幸福的所在
《幸福的所在》Hīng-hok ê Sóo-tsāi
洪百慧Âng Pik-huī
——————————————
想起咱初熟似
siūnn-khí lán tshoo si̍k-sāi
甜蜜的談情說愛
tinn-bi̍t ê tâm-tsîng sueh-ài
你講欲予阮
lí kóng beh hōo gún
幸福的未來
hīng-hok ê bī-lâi
溫暖的世界
un-luán ê sè-kài
這時陣你的心內
tsit sî-tsūn lí ê sim-lāi
敢猶閣有我的存在
kám iáu-koh ū guá ê tsûn-tsāi
我這款痴心等待
guá tsit khuán tshi-sim tán-thāi
到底應該不應該
tàu-té ing-kai put ing-kai
忍不住深深感慨
jím put-tsū tshim-tshim kám-khài
你講的幸福的世界
lí kóng ê hīng-hok ê sè-kài
是佇咧偌遠的所在
sī tī-leh guā hn̄g ê sóo-tsāi
佇偌久的未來
tī guā kú ê bī-lâi
到如今袂當了解
kàu jû-kim buē-tàng liáu-kái
為何你往東
uī-hô lí óng tang
我來行西
guá lâi kiânn sai
欲對啥物方向走揣
beh tuì siánn-mih hong-hiòng tsáu-tshuē
一个幸福的所在
tsi̍t-ê hīng-hok ê sóo-tsāi
