吉他船
《吉他船》Gì-tah tsûn
洪第七Âng Tē-tshit
——————————————
看海面浮出月娘
khuànn hái-bīn phû-tshut ge̍h-niû
坐在船頭岸
tsē tsāi tsûn-thâu huānn
阮今夜猶原
gún kim-iā iu-guân
著愛吉他做伴
tio̍h-ài gì-tah tsuè-phuānn
唱彼條悲戀情歌
tshiùnn hit tiâu pi-luân tsîng-kua
安慰無聊的心肝
an-uì bô-liâu ê sim-kuann
哪通來思思念念
ná thang lâi su-su-liām-liām
心愛彼个人
sim-ài hit ê lâng
自彼日離開著伊
tsū hit-ji̍t lī-khui tio̍h i
已經三年外
í-king sann-nî guā
夜夜來彈著吉他
iā-iā lâi tuânn tio̍h gì-tah
出入著酒場
tshut-ji̍p tio̍h tsiú-tiûnn
彼當時熟似
hit-tong-sî si̍k-sāi
彼个心愛姑娘
hit ê sim-ài koo-niû
可愛的烏色目睭
khó-ài ê oo-sik ba̍k-tsiu
迷人愛嬌的模樣
bê-lâng ài-kiau ê bôo-iūnn
一時也纏纏綿綿
tsi̍t-sî iā tînn-tînn-mî-mî
對阮情意甜
tuì gún tsîng-ì tinn
經過的美麗春夢
king-kè ê bí-lē tshun-bāng
愈想愈憂愁
jú siūnn jú iu-tshiû
男兒的一條性命
lâm-jî ê tsi̍t-tiâu sìnn-miā
倚靠這隻船
uá-khò tsit tsiah tsûn
何必來再閣
hô-pit lâi tsài-koh
想起伊的情份
siūnn-khí i ê tsîng-hūn
彈吉他放捒憂悶
tuânn gì-tah pàng-sak iu-būn
度過一个好青春
tōo-kè tsi̍t-ê hó tshing-tshun
天若光
thinn nā kng
就欲離開
tsiū beh lī-khui
這个港岸邊
tsit ê káng huānn-pinn
每一位港都
muí tsi̍t-uī káng-too
也有甘蜜紅喙脣
iā ū kam-bi̍t âng tshuì-tûn
