車站賣花女
《車站賣花女》Tshia-tsām Bē-hue-lú
林春福Lîm Tshun-hok
——————————————
一日早暗鬧啋啋
tsi̍t-ji̍t tsá-àm nāu-tshái-tshái
車站客房內
tshia-tsām kheh-pâng lāi
一位女兒純真可愛
tsi̍t-uī lú-jî sûn-tsin khó-ài
行去又行來
kiânn-khì iū kiânn-lâi
手來掛著青色花籃
tshiú lâi kuà tio̍h tshinn-sik hue-nâ
叫賣的聲帶悲哀
kiò-bē ê siann tài pi-ai
肢骨細枝好體態
ki-kut suè-ki hó thé-thài
配合花蕊的色彩
phuè-ha̍p hue-luí ê sik-tshái
一聲車螺響四邊
tsi̍t-siann tshia-lê hiáng sì-pinn
車站人空稀
tshia-tsām lâng khang-hi
賣花女兒
bē-hue lú-jî
頭殼敧敧
thâu-khak khi-khi
悶悶倚窗邊
būn-būn uá thang-pinn
親像花蕊故設神祕
tshin-tshiūnn hue-luí kòo siat sîn-pì
毋知煩惱啥代誌
m̄-tsai huân-ló siánn tāi-tsì
敢是厝內欠用錢
kám-sī tshù-lāi khiàm-īng tsînn
迫你出來做生理
pik lí tshut-lâi tsuè sing-lí
一對情侶
tsi̍t-tuì tsîng-lī
來看著
lâi khuànn tio̍h
車站時間表
tshia-tsām sî-kan-pió
聽見女兒賣花喝叫
thiann-kìnn lú-jî bē-hue huah-kiò
雙人峇文笑
siang-lâng bâ-bûn tshiò
倚去對伊選買花枝
uá khì tuì i suán-bué hue-ki
提在手中一直照
the̍h tsāi tshiú-tiong it-ti̍t tsiò
寶貴青春著愛惜
pó-kuì tshing-tshun tio̍h-ài sioh
親像花蕊著連葉
tshin-tshiūnn hue-luí tio̍h liân-hio̍h
