男性的心情
《男性的心情》Lâm-sìng ê Sim-tsîng
林春福Lîm Tshun-hok
——————————————
你毋知阮心情
lí m̄-tsai gún sim-tsîng
抱著啥希望
phāu-tio̍h siánn hi-bāng
毋甘阮離開
m̄-kam gún lī-khui
心酸目箍紅
sim-sng ba̍k-khoo âng
請原諒流浪的人
tshiánn guân-liōng liû-lōng ê lâng
今日西明日東
kim-ji̍t sai bîng-ji̍t tang
毋願永遠踮在
m̄-guān íng-uán tiàm-tsāi
你的身邊心茫茫
lí ê sin-pinn sim bâng-bâng
最好你著愛看破
tsuè-hó lí tio̍h-ài khuànn-phuà
毋通心苦痛
m̄-thang sim khóo-thàng
你毋知做男兒
lí m̄-tsai tsuè lâm-jî
前途怎要緊
tsiân-tôo tsuánn iàu-kín
一直來誤會對你無關心
it-ti̍t lâi ngōo-huē tuì lí bô kuan-sim
相信我袂來看輕
siong-sìn guá buē lâi khuànn-khin
你對我情意深
lí tuì guá tsîng-ì tshim
總是若有機會
tsóng–sī nā ū ki-huē
咱會閣再來見面
lán ē koh-tsài lâi kìnn-bīn
希望你毋通悲傷
hi-bāng lí m̄-thang pi-siong
為我損精神
uī guá sún tsing-sîn
你毋知阮心內
lí m̄-tsai gún sim-lāi
怎樣的痛苦
tsuánn-iūnn ê thòng-khóo
怨嘆阮害你
uàn-thàn gún hāi lí
青春來耽誤
tshing-tshun lâi tam-ngōo
請了解
tshiánn liáu-kái
男性前途
lâm-sìng tsiân-tôo
甘願來受風雨
kam-guān lâi siū hong-hōo
也是為著將來
iā-sī uī-tio̍h tsiong-lâi
會當行著光明路
ē-tàng kiânn tio̍h kong-bîng lōo
期待你青春保重
kî-thāi lí tshing-tshun pó-tiōng
小心去照顧
sió-sim khì tsiàu-kòo
