何時再相見
《何時再相見》Hô-sî Tsài Sio-kìnn
尤雅Iû Ngá
——————————————
日頭若是沉落西
ji̍t-thâu nā-sī tîm lo̍h-sai
心內袂清彩
sim-lāi buē tshing-tshái
無情冷風
bô-tsîng líng-hong
陣陣吹來
tsūn-tsūn tshue–lâi
親像吹入阮心內
tshin-tshiūnn tshue ji̍p gún sim-lāi
想起昔日雙人情愛
siūnn-khí sik-ji̍t siang-lâng tsîng-ài
傷心流目屎
siong-sim lâu ba̍k-sái
為著金錢來所害
uī-tio̍h kim-tsînn lâi sóo hāi
才著走天涯
tsiah tio̍h tsáu thian-gâi
時刻已經到三更
sî-khik í-king kàu sann-kinn
猶原睏袂去
iu-guân khùn buē-khì
只好坐在眠床邊
tsí-hó tsē tsāi bîn-tshn̂g-pinn
手提心愛的相片
tshiú the̍h sim-ài ê siòng-phìnn
輕聲叫著
khin-siann kiò tio̍h
心愛名字
sim-ài miâ-jī
不覺珠淚滴
put-kak tsu-luī tih
毋知著愛等何時
m̄-tsai tio̍h-ài tán hô-sî
會得再相見
ē-tit tsài sann-kìnn
