農村黃昏時
《農村黃昏時》Lông-tshuan Hông-hun Sî
方瑞娥Png Suī-ngôo
——————————————
日頭落西紅記記
ji̍t-thâu lo̍h-sai âng-kì-kì
美麗黃昏時
bí-lē hông-hun sî
照著農村好景緻
tsiò tio̍h lông-tshuan hó kíng-tì
犁田唸歌詩
lê-tshân liām kua-si
汗流水滴黏黐黐
kuānn lâu tsuí tih liâm-thi-thi
隨時放袂記
suî-sî pàng-buē-kì
你招我
lí tsio guá
我來招你
guá lâi tsio lí
做陣轉來去
tsuè-tīn tńg–lâi-khì
日頭落西紅記記
ji̍t-thâu lo̍h-sai âng-kì-kì
快樂黃昏時
khuài-lo̍k hông-hun sî
隨著農村好男兒
suî tio̍h lông-tshuan hó lâm-jî
行到田岸邊
kiânn kàu tshân-huānn pinn
粒粒辛苦等結晶
lia̍p-lia̍p sin-khóo tán kiat-tsinn
看著心歡喜
khuànn-tio̍h sim huann-hí
好哥哥鋤頭攑咧
hó kó-koh tî-thâu gia̍h–leh
毋知啥心意
m̄-tsai siánn sim-ì
日頭落西紅記記
ji̍t-thâu lo̍h-sai âng-kì-kì
風吹黃昏時
hong tshe hông-hun sî
吹著農村好情侶
tshe tio̍h lông-tshuan hó tsîng-lī
談情糖蜜甜
tâm-tsîng thn̂g-bi̍t-tinn
毋驚別人來看見
m̄-kiann pa̍t-lâng lâi khuànn–kìnn
那行那纏綿
ná kiânn ná tînn-mî
你這句
lí tsit kù
我也這句
guá iā tsit kù
盡心欲愛你
tsīn-sim beh ài lí
