男人的志氣
《男人的志氣》Lâm-jîn ê Tsì-khì
金飛Kim-hui(林錦堂Lîm Kím-tông)
——————————————
↓↓(口白)—(口白)↓↓
心愛的
sim-ài–ê
毋通悲傷
m̄-thang pi-siong
離別是甜蜜的悲愁
lî-pia̍t sī tinn-bi̍t ê pi-tshiû
也是咱兩人
iā-sī lán nn̄g-lâng
感情的擴張
kám-tsîng ê khok-tiong
為著咱的將來
uī-tio̍h lán ê tsiong-lâi
這是暫時的離別而已
tse sī tsiām-sî ê lî-pia̍t jî-í
再見
zàijiàn
↑↑(口白)—(口白)↑↑
波浪聲溢來溢去
pho-lōng siann ik-lâi-ik-khì
聲音帶悲意
siann-im tài pi-ì
無疑悟心愛伴侶
bô-gî-ngōo sim-ài phuānn-lī
移情綴人去
î-tsîng tuè lâng khì
所以我看破一切
sóo-í guá khuànn-phuà it-tshè
將情擲海去
tsiong tsîng tàn hái–khì
這就是男性志氣
tse tsiū-sī lâm-sìng tsì-khì
這就是男性志氣
tse tsiū-sī lâm-sìng tsì-khì
毋願難分離
m̄-guān lân hun-lî
↓↓(口白)—(口白)↓↓
哼!出賣靈魂的女性
hngh! tshut-buē lîng-hûn ê lú-sìng
我毋閣為你痴戀
guá m̄ koh uī lí tshi-luân
來踮在這个悲戀的港口
lâi tiàm-tsāi tsit ê pi-luân ê káng-kháu
唱出男性的悲歌啦
tshiùnn-tshut lâm-sìng ê pi-kua–lah
↑↑(口白)—(口白)↑↑
毋管是好天歹天
m̄-kuán sī hó-thinn pháinn-thinn
猶原做工去
iu-guân tsuè-kang–khì
也是來為著
iā-sī lâi uī-tio̍h
你我快樂的日子
lí guá khuài-lo̍k ê ji̍t-tsí
像這款虛偽愛情
tshiūnn tsit khuán hi-guī ài-tsîng
看破才合理
khuànn-phuà tsiah ha̍p-lí
這就是男性志氣
tse tsiū-sī lâm-sìng tsì-khì
這就是男性志氣
tse tsiū-sī lâm-sìng tsì-khì
毋願難分離
m̄-guān lân hun-lî
毋通來怨恨
m̄-thang lâi uàn-hūn
我無帶念好情義
guá bô tài-liām hó tsîng-gī
因為你假情假義
in-uī lí ké-tsîng ké-gī
僥心做你去
hiau-sim tsuè lí khì
所以我已經決心
sóo-í guá í-king kuat-sim
甘願斷情絲
kam-guān tuān tsîng-si
這就是男性志氣
tse tsiū-sī lâm-sìng tsì-khì
這就是男性志氣
tse tsiū-sī lâm-sìng tsì-khì
毋願難分離
m̄-guān lân hun-lî
