最後的夜快車
《最後的夜快車》Tsuè-āu ê Iā-khuài-tshia
方瑞娥Png Suī-ngôo
——————————————
最後的夜快車
tsuè-āu ê iā-khuài-tshia
白色雺霧罩深更
pe̍h-sik bông-bū tà tshim-kinn
電鈴聲啼啼哭
tiān-lîng siann thî-thî khàu
催阮目屎流落去
tshui gún ba̍k-sái lâu–lo̍h-khì
啊~再會啦
ah~ tsài-huē–lah
離開繁華夜都市
lī-khui huân-huâ iā too-tshī
你我雙人來分開
lí guá siang-lâng lâi hun-khui
何時再相見
hô-sî tsài sann-kìnn
最後的夜快車
tsuè-āu ê iā-khuài-tshia
淒冷夜風吹袂離
tshe-líng iā-hong tshue buē-lī
暗淡的燈火影
àm-tām ê ting-hué iánn
照阮心內無元氣
tsiò gún sim-lāi bô guân-khì
啊~再會啦
ah~ tsài-huē–lah
離開繁華夜都市
lī-khui huân-huâ iā too-tshī
雖然環境不得已
sui-jiân khuân-kíng put-tik-í
猶原愛分離
iu-guân ài hun-lî
最後的夜快車
tsuè-āu ê iā-khuài-tshia
漸漸離開月臺邊
tsiàm-tsiàm lī-khui gua̍t-tâi pinn
窗外的露水滴
thang-guā ê lōo-tsuí tih
可比阮的目屎滴
khó-pí gún ê ba̍k-sái tih
啊~再會啦
ah~ tsài-huē–lah
離開繁華夜都市
lī-khui huân-huâ iā too-tshī
你我雙人來分開
lí guá siang-lâng lâi hun-khui
何時再相見
hô-sî tsài sann-kìnn
