拉斯脫!彎
《拉斯脫!彎》
金飛Kim-hui(林錦堂Lîm Kím-tông)
——————————————
雙人相招跳規暝
siang-lâng sio-tsio thiàu kui-mî
快樂彼當時
khuài-lo̍k hit-tang-sî
阮是猶原真愛你
gún sī iu-guân tsin ài lí
終身交代你
tsiong-sin kau-tài lí
親像牡丹清芳味
tshin-tshiūnn bóo-tan tshing-phang bī
文雅自然媠
bûn-ngá tsū-jiân suí
輕聲細說
khin-siann-sè-sueh
傳情絲
thuân tsîng-si
啊! Last One
愛情投合來做堆
ài-tsîng tâu-ha̍p lâi tsuè-tui
空中月也圓
khong-tiong ge̍h iā înn
雖然離開分東西
sui-jiân lī-khui hun tang-sai
愛情著等待
ài-tsîng tio̍h tán-thāi
珍重惜別啥人害
tin-tiōng sioh-pia̍t siánn-lâng hāi
留戀相等待
liû-luân siong tán-thāi
新愁舊恨暗忍耐
sin-tshiû kū-hīn àm jím-nāi
啊! Last One
甘願愛伊流目屎
kam-guān ài i lâu ba̍k-sái
毋願斷情愛
m̄-guān tuān tsîng-ài
啥人會知阮心內
siánn-lâng ē tsai gún sim-lāi
請你想看覓
tshiánn lí siūnn khuànn-māi
只有對月訴悲哀
tsí-ū tuì ge̍h sòo pi-ai
青春花當開
tshing-tshun hua tong khai
每日期待兄歸來
muí ji̍t-kî thāi hiann kui-lâi
啊! Last One
