四海一家
《四海一家》Sù-hái It-ka
文光Bûn-kong(李文龍Lí Bûn-liông)
——————————————
無論是東北部
bô-lūn sī tang-pak-pōo
若欲流浪走江湖
nā bueh liû-lōng tsáu-kang-ôo
互相著愛相照顧
hōo-siong tio̍h-ài sio tsiàu-kòo
兄弟才會和
hiann-tī tsiah ē hô
逐家來握一支唷
ta̍k-ke lâi ak–tsi̍t-ki iooh
做男兒愛有志氣
tsò lâm-jî ài ū tsì-khì
倚靠理智才合理
uá-khò lí-tì tsiah ha̍p-lí
毋通來
m̄-thang lâi
為著小事發脾氣
uī-tio̍h sió-sū huat-phî-khì
無論是中南部
bô-lūn sī tiong-lâm-pōo
若欲做著老大哥
nā beh tsuè tio̍h lāu-tuā-ko
互相著愛相照顧
hōo-siong tio̍h-ài sio tsiàu-kòo
兄弟才會和
hiann-tī tsiah ē hô
逐家來握一支唷
ta̍k-ke lâi ak–tsi̍t-ki iooh
做男兒前途無限
tsò lâm-jî tsîng-tôo bô-hān
為仁為義做代誌
uī jîn uī gī tsuè tāi-tsì
應該著
ing-kai tio̍h
犧牲家己同情人
hi-sing ka-kī tông-tsîng lâng
無論是大細漢
bô-lūn sī tuā-sè-hàn
若欲做陣愛疼痛
nā bueh tsuè-tīn ài thiànn-thàng
互相著愛相照顧
hōo-siong tio̍h-ài sio tsiàu-kòo
兄弟才會和
hiann-tī tsiah ē hô
逐家來握一支唷
ta̍k-ke lâi ak–tsi̍t-ki iooh
做男兒注重正義
tsuè lâm-jî tsù-tiōng tsìng-gī
不正行為毋通去
put-tsìng hîng-uî m̄-thang khì
這就是四海一家
tse tsiū-sī sù-hái it-ka
好男兒
hó lâm-jî
