爽快的鼓手
《爽快的鼓手》Sóng-khuài ê Kóo-tshiú
洪一峰Âng It-hong
——————————————
阮就是ドラマー(drummer)
gún tsiū-sī loo-lá-mah
爽快的ドラマー
sóng-khuài ê loo-lá-mah
鼓聲響亮催風雲
kóo-siann hiáng-liāng tshui hong-hûn
無論風雨抑是好天
bô-lūn hong-hōo ia̍h-sī hó-thinn
拍鼓解消阮憂悶
phah-kóo kái-siau gún iu-būn
↓↓—(口白)—↓↓
嘿!哭氣啊!
heh! khàu-khì–ah!
出來嘛!
tshut-lâi–mah!
你真狡怪喔
lí tsin káu-kuài–ooh
毋講理由
m̄-kóng lí-iû
欸!你敢拍我一个
eh! lí kánn phah guá tsi̍t-ê
好!我還你兩个
ah hó! guá hîng lí nn̄g-ê
畜生啊!
thik-sinn–ah!
較客氣咧
khah kheh-khì–leh
↑↑—(口白)—↑↑
阮就是ドラマー
gún tsiū-sī loo-lá-mah
爽快的ドラマー
sóng-khuài ê loo-lá-mah
鼓聲響著催風雲
kóo-siann hiáng tio̍h tshui hong-hûn
友情萬分毋免憂悶
iû-tsîng bān hun m̄-bián iu-būn
拍鼓快樂阮命運
phah-kóo khuài-lo̍k gún miā-ūn
↓↓—(口白)—↓↓
嘿!哭氣啊!
heh! khàu-khì–ah!
出來嘛!
tshut-lâi–mah!
你真狡怪喔
lí tsin káu-kuài–ooh
毋講理由
m̄-kóng lí-iû
欸!你敢拍我一个
eh! lí kánn phah guá tsi̍t-ê
啊好!我還你兩个
ah hó! guá hîng lí nn̄g-ê
畜生啊!
thik-sinn–ah!
較客氣咧
khah kheh-khì–leh
↑↑—(口白)—↑↑
阮就是ドラマー
gún tsiū-sī loo-lá-mah
爽快的ドラマー
sóng-khuài ê loo-lá-mah
鼓聲響亮激志氣
kóo-siann hiáng-liāng kik tsì-khì
毋管怨慼免驚哀悲
m̄-kuán uàn-tsheh bián-kiann ai-pi
拍鼓表示阮情意
phah-kóo piáu-sī gún tsîng-ì
