西螺大橋純情曲
《西螺大橋純情曲》Sai-lê Tuā-kiô Sûn-tsîng-khik
施文彬Si Bûn-pin
——————————————
會過西螺橋
ē kuè Sai-lê-kiô
袂過啊虎尾溪
bē-kuè–ah Hóo-bué-khe
會曉談戀愛
ē-hiáu tâm luân-ài
袂曉來講情話
buē-hiáu lâi kóng tsîng-uē
心內嗶噗惝
sim-lāi pi̍t-po̍k-tsháinn
毋知欲講啥貨
m̄-tsai beh kóng siánn-huè
親像彼藏鏡人
tshin-tshiūnn he Tsông-kiànn-jîn
不時嘛頭犁犁
put-sî mā thâu lê-lê
會過西螺橋
ē kuè Sai-lê-kiô
袂過啊包公廟
bē-kuè–ah Pau-kong-biō
會曉談戀愛
ē-hiáu tâm luân-ài
袂曉來認毋著
buē-hiáu lâi jīn m̄-tio̍h
心內嗶噗惝
sim-lāi pi̍t-po̍k-tsháinn
欲講嘛驚人笑
beh kóng mā kiann lâng tshiò
若拄著包大人
nā tú-tio̍h Pau-tāi-jîn
頭殼就?咧燒
thâu-khak tiō mooh leh sio
會過彼西螺橋
ē kuè he Sai-lê-kiô
袂過是古坑
bē-kuè sī Kóo-khinn
會曉談戀愛
ē-hiáu tâm luân-ài
袂曉來治相思
buē-hiáu lâi tī siunn-si
心內嗶噗惝
sim-lāi pi̍t-po̍k-tsháinn
規暝咧睏袂去
kui-mî leh khùn buē-khì
親像咧啉咖啡
tshin-tshiūnn leh lim ka-pi
較苦嘛當做甜
khah khóo mā tòng-tsuè tinn
會過彼个西螺橋
ē kuè hit ê Sai-lê-kiô
袂過啊劍湖山
bē-kuè–ah Kiàm-ôo-suann
會曉談戀愛
ē-hiáu tâm luân-ài
袂曉來唱情歌
buē-hiáu lâi tshiùnn tsîng-kua
心內嗶噗惝
sim-lāi pi̍t-po̍k-tsháinn
目睭咧金金看
ba̍k-tsiu leh kim-kim-khuànn
親像坐摩天輪
tshin-tshiūnn tsē môtiānlún
又愛閣又驚驚
iū ài koh iū kiann-kiann
會過西螺橋
ē kuè Sai-lê-kiô
袂過咱朝天宮
bē-kuè lán Tiâu-thian-kiong
會曉談戀愛
ē-hiáu tâm luân-ài
袂曉來較緊衝
buē-hiáu lâi khah-kín tshiong
心內嗶噗惝
sim-lāi pi̍t-po̍k-tsháinn
無彩我一尾龍
bô-tshái guá tsi̍t-bué liông
拜託媽祖婆
pài-thok Má-tsóo-pô
保庇阮緊做新郎
pó-pì gún kín tsuè sin-lông
