愛情卡路里
《愛情卡路里》Ài-tsîng Khah-lōo-lí
施文彬Si Bûn-pin
——————————————
自從彼工愛著你
tsū-tsiông hit-kang ài-tio̍h lí
袂食袂睏無元氣
buē-tsia̍h buē-khùn bô guân-khì
酸甜鹹汫攏總無味
sng-tinn kiâm-tsiánn lóng-tsóng bô-bī
只有情歌唱規暝
tsí-ū tsîng-kua tshiùnn kui-mî
臺西的鵝肉
Tâi-se ê giâ-bah
臺南的虱目魚
Tâi-lâm ê sat-ba̍k-hî
對東港送來的刺身
tuì Tang-káng sàng–lâi ê sa-sí-mih
我的喙攏毋捌開
guá ê tshuì lóng m̄-bat khui
花蓮的麻糍
Hua-lian ê muâ-tsî
宜蘭出的鹹酸甜
Gî-lân tshut ê kiâm-sng-tinn
基隆廟口賣的thián-puh-lá
Ke-lâng biō-kháu bē ê thián-puh-lá
攏嘛袂當代替你
lóng-mā buē-tàng tāi-thè lí
若會當愛著你
nā ē-tàng ài-tio̍h lí
就連空氣
tiō liân khong-khì
欶了都會肥
suh liáu to ē puî
若有你踮阮身邊
nā ū lí tiàm gún sin-pinn
不時都想欲咬一喙
put-sî to siūnn-beh kā–tsi̍t-tshuì
一句我愛你
tsi̍t-kù guá ài lí
為你唱規暝
uī lí tshiùnn kui-mî
希望你予我愛一下
hi-bāng lí hōo guá ài–tsi̍t-ē
莫害我想欲醉
mài hāi guá siūnn-beh tsuì
一句我愛你
tsi̍t-kù guá ài lí
予我的人生完美
hōo guá ê jîn-sing uân-bí
你是我幸福的Energy
lí sī guá hīng-hok ê Energy
我的愛情卡路里
guá ê ài-tsîng khah-lōo-lí
