念伊人
念伊人 Liām i-jîn（Another Night of Solitude）
恆月三途Hîng-gue̍h Sam-tôo（Crescent Lament）
—————————–
春若去夏秋冬 又閣過一冬
Tshun nā-khì hā-tshiu-tang, iū-koh kuè tsi̍t-tang
花開啊花落啊 揣無彼个人
Hue-khui–ah hue-lo̍h–ah, tshuē-bô hit-ê-lâng
又閣是月半暗 思君影孤單
Iū-koh-sī gue̍h-puànn-àm, su kun iánn koo-tuann
夢中為著伊人啊 消瘦落肉
Bāng-tiong uī-tio̍h i-jîn–ah, siau-sán-lo̍h-bah
春若去夏秋冬 人生若眠夢
Tshun nā-khì hā-tshiu-tang, jîn-sing nā bîn-bāng
空思啊夢想啊 等無彼个人
Khong-su–ah bāng-siúnn–ah, tán-bô hit-ê-lâng
花謝落土夢猶在
Hue-siā lo̍h-thôo bāng iû-tsāi
又閣是落雨暝 雨聲藏哀悲
Iū-koh-sī lo̍h-hōo-mî, hōo-siann tshàng ai-pi
雨聲入耳亂心情
Hōo-siann ji̍p-hīnn luān sim-tsiânn
手彈琵琶淚袂停 風中寂寞時
Tshiú tuânn pî-pê luī buē-thîng, hong-tiong siok-bo̍k sî
伊人去 夢成空
I-jîn khì, bāng sîng khang
又閣是秋霜啊 想起彼一工
Iū-koh-sī tshiu-sng–ah, siūnn-khí hit-tsi̍t-kang
離情依依黃昏時 勸君酒杯空
Lī-tsîng-i-i hông-hun sî, khuàn kun tsiú-pue khang
送君一句再會啊 露深心頭寒
Sàng kun tsi̍t-kù tsài-huē–ah, lōo tshim sim-thâu kuânn
春燕難為北風起 毋知去佗位
Tshun-iàn lân-uî pak-hong khì, m̄-tsai khì tó-uī
又閣是月圓啊 盼君影孤單
Iū-koh-sī gue̍h-îng–ah, phàn kun iánn koo-tuann
空思啊夢想啊 等無彼个人
Khong-su–ah bang-siūnn–ah, tán-bô hit-ê-lâng
夢中一句再會啊 心愛的佇佗位
Bāng-tiong tsi̍t-kù tsài-huē–ah, sim-ài–ê tī tó-uī
悲嘆咱的相見啊 只踮咧阮的夢
Pi-thàn lán-ê siong-kìnn–ah, tsí tiàm leh gún-ê bang
花謝落土夢猶在
Hue-siā lo̍h-thôo bāng iû-tsāi
日日思君君不知 歸期咧何時
Ji̍t-ji̍t su-kun kun put-ti, kui-kî leh hô-sî
雨聲入耳亂心情
Hōo-siann ji̍p-hīnn luān sim-tsiânn
空思啊夢想啊 盼無彼个人
Khong-su–ah bang-siūnn–ah, phàn bô hit-ê-lâng
風起人離勘不破
Hong-khí jîn-lî kham put phuà
夢中為著伊人啊 消瘦落肉
Bāng-tiong uī-tio̍h i-jîn–ah, siau-sán-lo̍h-bah
醉盼 入眠夢
Tsuì phàn, ji̍p bîn-bāng
醒 望成空
Tshínn, bāng sîng-khang
