阮翁綴人走
《阮翁綴人走》Gún Ang Tuè-lâng-tsáu
青青Tshing-tshing
——————————————
我的心肝亂操操
guá ê sim-kuann luān-tshau-tshau
自恨薄命目屎流
tsū hūn po̍k-bīng ba̍k-sái lâu
阮翁綴人走
gún ang tè-lâng-tsáu
枉費對伊情意厚
óng-huì tuì i tsîng-ì kāu
真情全部變水泡
tsin-tsîng tsuân-pōo piàn tsuí-phau
我想著強欲吼
guá siūnn-tio̍h kiōng-beh háu
阮翁若莫遐緣投
gún ang nā mài hiah iân-tâu
也免害我孤單守空樓
iā bián hāi guá koo-tuann siú khang-lâu
伊過去落魄的時陣
i kuè-khì lo̍k-phik ê sî-tsūn
講我是賢慧的家後
kóng guá sī hiân-huē ê ke-āu
欲佮我好到老
beh kah guá hó kah lāu
無疑經過三年後
bô-gî king-kè sann-nî āu
伊就變成一去無回頭
i tiō piàn-sîng it-khì bô huê-thâu
予我仙想都袂曉
hōo guá sian siūnn tio buē-hiáu
阮翁哪會綴人走
gún ang ná ē tè-lâng-tsáu
