簡幼
青虫 aoi
簡幼 Kán-iù（to grandma）
——————————————
毋知你敢閣猶會記 彼年的熱天
M̄-tsai lí kám koh iah ē kì, hit-nî ê jua̍h-thinn
阮歇熱轉去溪頭山頂揣你 閣共人偷掠一尾魚
Gún hioh-jua̍h tńg-khì khe-thâu suann-tíng tshuē lí, koh kā lâng thau-lia̍h tsi̍t-bué hî
捾著魚網仔去溪邊掠魚 閣佇竹林拄著青竹絲
Kuānn tio̍h hî-bāng-á khì khe-pinnlia̍h-hî, koh tī tik-nâ tú-tio̍h tshenn-tik-si
共你司奶講我跤疼行袂振動 予你偝我足百崎轉去
Kā lí sai-nai kóng guá kha thiànn kiânn buē-tín-tāng, hōo lí āinn guá peh-kiā tńg-khì
一直到你離開的時 我才開始了解你
It-ti̍t kàu lí lī-khui ê sî, guá tsiah khai-sí liáu-kái lí
教會阿姨講你上佮意的一條歌其實是
Kàu-huē a-î kóng lí siōng kah-ì ê tsi̍t-tiâu kua kî-si̍t sī
田中的白翎鷥 無欠缺啥物
Tshân-tiong ê pe̍h-lîng-si, bô khiàm-khueh siánn-mih
但是阮看無你 心內是真稀微
Tān-sī gún khuànn-bô lí, sim-lāi sī tsin hi-bî
田中的白翎鷥 有一工會飛出去
Tshân-tiong ê peh-lîng-si, ū tsi̍t-kang ē pue-tshut-khì
但是阮轉來的時 煞已經無看你
Tān-sī gún tńg-lâi ê sî, suah í-king bô-khuànn lí
怹講 戇媽疼外孫 戇媽疼外孫
In kóng, gōng-ma thiànn guā-sun, gōng-ma thiànn guā-sun
敢有敢有 你予我有夠思念你
Kám-ū kám-ū, lí hōo guá ū-kàu su-liām lí
怹講 戇媽疼外孫 戇媽疼外孫
In kóng, gōng-ma thiànn guā-sun, gōng-ma thiànn guā-sun
簡幼 簡幼 阮實在有夠思念你
Kán-iù, Kán-iù, gún si̍t-tsāi ū-kàu su-liām lí
毋知你敢閣猶會記 彼年的熱天
M̄-tsai lí kám koh iah ē kì, hit-nî ê jua̍h-thinn
阮歇熱轉去溪頭山頂揣你 閣共人偷掠一尾魚
Gún hioh-jua̍h tńg-khì khe-thâu suann-tíng tshuē lí, koh kā lâng thau-lia̍h tsi̍t-bué hî
捾著魚網仔去溪邊掠魚 閣佇竹林拄著青竹絲
Kuānn tio̍h hî-bāng-á khì khe-pinnlia̍h-hî, koh tī tik-nâ tú-tio̍h tshenn-tik-si
共你司奶講我跤疼行袂振動 予你偝我足百崎轉去
Kā lí sai-nai kóng guá kha thiànn kiânn buē-tín-tāng, hōo lí āinn guá peh-kiā tńg-khì
一直到你離開的時 我才開始了解你
It-ti̍t kàu lí lī-khui ê sî, guá tsiah khai-sí liáu-kái lí
教會阿姨講你上佮意的一條歌其實是
Kàu-huē a-î kóng lí siōng kah-ì ê tsi̍t-tiâu kua kî-si̍t sī
田中的白翎鷥 無欠缺啥物
Tshân-tiong ê pe̍h-lîng-si, bô khiàm-khueh siánn-mih
但是阮看無你 心內是真稀微
Tān-sī gún khuànn-bô lí, sim-lāi sī tsin hi-bî
田中的白翎鷥 有一工會飛出去
Tshân-tiong ê peh-lîng-si, ū tsi̍t-kang ē pue-tshut-khì
但是阮轉來的時 煞已經無看你
Tān-sī gún tńg-lâi ê sî, suah í-king bô-khuànn lí
怹講 戇媽疼外孫 戇媽疼外孫
In kóng, gōng-ma thiànn guā-sun, gōng-ma thiànn guā-sun
敢有敢有 你予我有夠思念你
Kám-ū kám-ū, lí hōo guá ū-kàu su-liām lí
怹講 戇媽疼外孫 戇媽疼外孫
In kóng, gōng-ma thiànn guā-sun, gōng-ma thiànn guā-sun
簡幼 簡幼 阮實在有夠思念你
Kán-iù, Kán-iù, gún si̍t-tsāi ū-kàu su-liām lí
