甘願忍耐
《甘願忍耐》Kam-guān Jím-nāi
俞隆華Jû Liông-huâ
——————————————
雖然我毋是一个
sui-jiân guá m̄-sī tsi̍t-ê
五尺以上的男子漢
gōo-tshioh í-siōng ê lâm-tsú-hàn
但是我為著環境
tān-sī guá uī-tio̍h khuân-kíng
忍耐著百般悽慘
jím-nāi tio̍h pah-puann tshi-tshám
跳出著烏社會
thiàu tshut tio̍h oo-siā-huē
又墜落煙花界
iū tuī-lo̍h ian-hua-kài
因為我
in-uī guá
因為我為著將來
in-uī guá uī-tio̍h tsiong-lâi
甘願忍耐
kam-guān jím-nāi
放棄愛
hòng-khì ài
雖然我愛你一个
sui-jiân guá ài lí tsi̍t-ê
只有囥在心肝底
tsí-ū khǹg tsāi sim-kuann-té
因為我為著生活
in-uī guá uī-tio̍h sing-ua̍h
毋敢來對人講出喙
m̄-kánn lâi tuì lâng kóng tshut-tshuì
忍住著酸苦味
jím-tsū tio̍h sng-khóo-bī
佮人客膏膏纏
kah lâng-kheh ko-ko-tînn
因為我
in-uī guá
因為我為著金錢
in-uī guá uī-tio̍h kim-tsînn
甘願忍耐
kam-guān jím-nāi
予人去愛
hōo-lâng khì ài
