思君怨
《思君怨》Su Kun Uàn
青青Tshing-tshing
——————————————
春天算來春酒芳
tshun-thinn sǹg–lâi tshun-tsiú phang
家家戶戶門聯紅
ke-ke-hōo-hōo mn̂g-liân âng
紅男綠女滿街巷
âng-lâm li̍k-lú muá ke-hāng
迎新春心輕鬆
ngiâ sin-tshun sim khin-sang
只有雪梅心沉重
tsí-ū Suat-muî sim tîm-tāng
犧牲青春好花欉
hi-sing tshing-tshun hó hue-tsâng
為君立誓毋嫁翁
uī kun li̍p-sè m̄ kè-ang
甘願來守節一世人
kam-guān lâi siú-tsiat tsi̍t-sì-lâng
秋天算來秋風寒
tshiu-thinn sǹg–lâi tshiu-hong kuânn
為囝補衫穿針線
uī kiánn póo-sann tshng tsiam-suànn
窗外鴻雁雙做伴
thang-guā hông-gān siang tsuē-phuānn
引起人心空彈
ín-khí lâng sim khang tuânn
鴛鴦已經來拆散
uan-iunn í-king lâi thiah-suànn
毋願閣來嘆孤單
m̄-guān koh lâi thàn koo-tuann
看囝一年一年大
khuànn kiánn tsi̍t-nî tsi̍t-nî tuā
怎拖磨
tsuánn thua-buâ
心也真快活
sim iā tsin khuìnn-ua̍h
冬天算來是年關
tang-thinn sǹg–lâi sī nî-kuan
柴空米盡心操煩
tshâ khang bí tsīn sim tshiau-huân
遵守婦道心袂亂
tsun-siú hū-tō sim buē luān
受枵寒也甘願
siū iau-kuânn iā kam-guān
雪梅心內有打算
Suat-muî sim-lāi ū tánn-suàn
教囝做人愛正端
kà kiánn tsuē-lâng ài tsiànn-tuan
為非做歹顧人怨
uî-hui tsuē-pháinn kòo-lâng-uàn
做好事名聲萬世傳
tsuē hó-sū miâ-siann bān-sè thuân
