傷心的歌
《傷心的歌》Siong-sim ê Kua
邵大倫Siō Tāi-lûn
——————————————
你用怨恨添滿心肝
lí iōng uàn-hūn thinn-buán sim-kuann
唱著一首傷心的歌
tshiùnn tio̍h tsi̍t-siú siong-sim ê kua
我知你的無奈心聲
guá tsai lí ê bô-nāi sim-siann
感覺著你的心疼
kám-kak tio̍h lí ê sim-thiànn
我用看破
guá iōng khuànn-phuà
麻痺性命
bâ-pì sìnn-miā
啉著一杯無緣的酒啊
lim tio̍h tsi̍t-pue bô-iân ê tsiú–ah
孤單是咱以後的名
koo-tuann sī lán í-āu ê miâ
思念變成以後的伴
su-liām piàn-sîng í-āu ê phuānn
啊~分手佇今夜
ah~ hun-tshiú tī kim-iā
只有我看你
tsí-ū guá khuànn lí
你看我
lí khuànn guá
風大雨大
hong tuā hōo tuā
咱的愛
lán ê ài
綴著月娘沉落海岸
tuè tio̍h gue̍h-niû tîm-lo̍h hái-huānn
啊~分手在今夜
ah~ hun-tshiú tsāi kim-iā
緣份行到遮
iân-hūn kiânn kàu tsia
欲講啥
beh kóng siánn
天闊地闊
thinn khuah tē khuah
藏袂牢彼粒
tshàng buē tiâu hit lia̍p
已經破碎的心肝
í-king phò-tshuì ê sim-kuann
