?你看安溪

由 ·

《?你看安溪》Tshuā Lír Khuànn An-khue

林盛緣 LÎM SĪNG-IÂN
閩南英子 BÂN-LÂM ING-TSÍR
二四鄉鎮唱恁聽
lī-sì hiunn-tìn tshiùnn lín thiann
安溪明珠茶葉城
An-khue Bîng-tsu Tê-hio̍h Siânn
十大名茶敢知影
tsa̍p tuā miâ tê kám tsai-iánn
世界觀音上出名
sè-kài kuan-im siōng tshut-miâ
–
蓬萊一座清水岩
Hông-lâi tsi̍t tsǒ Tshing-tsuí-giâm
清水祖師真靈驗
Tshing-tsuí tsóo-sir tsin lîng-giām
來去面前求靈籤
lâi-khì bīn-tsîng kiû lîng-tshiam
保庇平安萬萬年
pó-pì pîng-an bān-bān-liân
–
流傳湖頭小泉州
liû-tuân Ôo-thâu sió Tsuân-tsiu
光地故鄉去旅遊
Kong-tuē kòo-hiong khìr lír-iû
雞卷米粉芳佮?
kue-kńg bí-hún phang kah khiū
泰山岩頂傳風流
Thài-san giâm-tíng tn̂g hong-liû
–
文廣去平密婆洞
Bûn-kóng khì pîng bi̍t-pô tōng
傳說官橋鐵尖峰
tuân-suat Kuann-kiô Thih-tsiam-hong
豆乾出名食甲爽
tāu-kuann tshut-miâ tsia̍h kah sóng
珍山豆簽是正宗
Tin-san tāu-tshiam sǐ tsiànn-tsong
–
用心去行劍斗街
iōng-sim khìr kiânn Kiàm-táu-kue
看著茶農真正濟
khuànn-tio̍h tê-lông tsin-tsiànn tsuē
想欲觀音啉一杯
siǔnn-berh kuan-im lim tsi̍t pue
若是好啉我才買
nǎ-sǐ hó-lim guá tsiah bué
–
城廂真正好地頭
Siânn-siong tsin-tsiànn hó tē-thâu
有人開發建大樓
ǔ lâng khai-huat kiàn tuā-lâu
安溪環城路會到
An-khue Khuân-siânn-lōo ě kàu
城廂好食紅柿包
Siânn-siong hó-tsia̍h âng-khǐ-pau
–
欲去?迌金谷鎮
Berh khìr thit-thô Kim-kok-tìn
你著探聽茶行情
lír tio̍h thàm-thiann tê hâng-tsîng
好茶恁才來去定
hó tê lín tsiah lâi-khìr tīng
有人愛啉鐵觀音
ǔ lâng ài lim thih-kuan-im
–
龍門交通毋免問
Lîng-bûn kau-thong m̄-bián mn̄g
伊是廈門後花園
i sǐ Ē-mn̂g ǎu hue-hn̂g
隨便農哥食幾頓
suî-piān lông–ko tsia̍h kuí tǹg
當然第一是洗湯
tong-liân tē-it sǐ sué-thng
–
虎邱文美金水殿
Hóo-khu Bûn-bí Kim-tsuí-tiān
東西洪恩白石岩
tang-sai Hông-un pe̍h-si̍k-giâm
?迌確實好景點
thit-thô khak-si̍t hó kíng-tiám
熱天猶有水樂園
lua̍h-thinn iá ǔ tsuí-lo̍k-iân
–
蘆田一座紫雲山
Lôo-tshân tsi̍t tsǒ Tsí-hûn-suann
風景佮人不相同
hong-kíng kah lâng put siong-tông
冬天若到會結凍
tang-thinn nǎ kàu ě kiat-tàng
春天的花颺颺芳
tshun-thinn ê hue iǎnn-iǎnn-phang
–
感德茶葉第一鎮
Kám-tik tê-hio̍h tē-it tìn
製炒消青有創新
tsè-tshá siau-tshinn ǔ tshòng-sin
保生大帝真靈應
Pó-sing-tāi-tè tsin lîng-ìng
原名吳本遮出生
guān-miâ Gôo Pún tsiâ tshut-sing
–
?迌若去到魁口
thit-thô nǎ khìr kàu Khue-kháu
魁口的人真正?
Khue-kháu ê lâng tsin-tsiànn gâu
對了社會真禮貌
tuì liáu siǎ-huē tsin lé-māu
才會起厝造洋樓
tsiah ě khí-tshù tsǒ iûnn-lâu
–
今日行到是西坪
kin-li̍t kiânn kàu sǐ Sai-pînn
觀音發源佇遐起
kuan-im huat-guân tǐr hiâ khí
一條大路通城市
tsi̍t tiâu tuā-lōo thong siânn-tshǐ
自古觀音真值錢
tsīr-kóo kuan-im tsin ta̍t-tsînn
–
上坑竹藤工藝編
Tsiǔnn-khinn tik-thîng kang-gē phinn
尤俊農耕文化園
Iû-tsùn Lông-king Bûn-huà-hn̂g
網頂買賣來開店
bǎng-tíng bué-buē lâi khui tuìnn
真濟淘寶趁大錢
tsin tsuē tô-pó thàn tuā tsînn
–
參內有建茶博會
Tsham-lǎi ǔ kiàn Tê-phok-huē
茶葉大學在安溪
Tê-hio̍h Tuā-o̍h tsǎi An-khue
普陀寺廟人真濟
Phóo-tôo sī-biō lâng tsin tsuē
善男信女來會齊
siān-lâm-sìn-lír lâi huē-tsuê
–
若欲?迌去白瀨
nǎ beh thit-thô khì Pe̍h-luā
也通佮哥來唱歌
iǎ thang kah ko lâi tshiùnn-kua
水庫的水白花花
tsuí-khòo ê tsuí pe̍h-hua-hua
安溪所在真正闊
An-khue sóo-tsǎi tsin-tsiànn khuah
–
湖上?迌較實在
Ôo-siǒng thit-thô khà si̍t-tsǎi
今日我來頭一擺
kin-li̍t guá lâi thâu tsi̍t pái
看著娘囝真可愛
khuànn-tio̍h niû-kiánn tsin khónn-ài
阮無福氣得袂來
gún bô hok-khì tit buě lâi
–
茶海明珠是大坪
tê-hái bîng-tsu sǐ Tuā-pînn
松柏化石千萬年
siông-phik huà-tsio̍h tshing-bān nî
瀑布的水白佮清
po̍k-pòo ê tsuí pe̍h kah tshing
予人愈看愈佮意
hōo lâng lú khuànn lú kah-ì
–
龍涓所在我有來
Liông-kuan sóo-tsǎi guá ǔ lâi
出產紅酒人人知
tshut-sán âng-tsiú lâng-lâng tsai
也有真芳的鹹菜
iǎ ǔ tsin phang gê kiâm-tshài
毋信的人試看覓
m̄ sìn gê lâng tshì–khuànn-bāi
–
若去?迌到長坑
nǎ khì thit-thô kàu Tn̂g-khinn
山格淮山真值錢
Suann-keh huâi-san tsin ta̍t-tsînn
善男信女著做陣
siān-lâm-sìn-lú tio̍h tsuè-tīn
補陀觀音求籤詩
Póo-thôo kuan-im kiû tshiam-si
–
藍田水庫真好看
Nâ-tshân tsuí-khòo tsin hó-khuànn
聽說內面有鱸鰻
thiann-serh lǎi-bīn ǔ lôo-muâ
著去?迌朝天山
tio̍h khìr thit-thô Tiâu-thian-suann
才袂予娘你孤單
tsiah buě hōo niû lír koo-tuann
–
今仔日來到的祥華
kiann-li̍t lâi kàu ê Siông-huâ
看著鄉里遮爾大
khuànn-tio̍h hiunn-lí tsiah-nī tuā
若是有哥來揣我
nǎ-sǐ ǔ ko lâi tshuē guá
心情放鬆就快活
sim-tsîng pàng-sang tiō khuìnn-ua̍h
–
晉江源頭是桃舟
Tsìn-kang guân-thâu sǐ Thô-tsiu
五八煉鐵炭最優
ngóo-pat liān thih thuànn tsuè iu
深山紅菇真幼秀
tshim-suann âng-koo tsin iù-siù
金絲菇湯是一流
kim-si-koo thng sǐ it-liû
–
若欲?迌去福田
nǎ berh thit-thô khìr Hok-tshân
小路大灣真自然
sió-lōo tuā-uan tsin tsīr-liân
好食蘆柑較新鮮
hó-tsia̍h lôo-kam khà sin-sian
有車通坐野袂?
ǔ tshia thang tsěr iá buě siǎn

您可能也會喜歡…

跳至工具列