無聲的原諒
《無聲的原諒》Bô-siann ê Guân-liōng
林娜Lîm Ná
——————————————
冷風吹來的思念
líng-hong tshue–lâi ê su-liām
腦海中的每一幕
náu-hái tiong ê muí tsi̍t-bōo
像心碎的電影
tshiūnn sim-tshuì ê tiān-iánn
無疑阮心肝
bô-gî gún sim-kuann
愛你從來無變卦
ài lí tsiông-lâi bô piàn-kuà
是你的心
sī lí ê sim
無囥佇遮
bô khǹg tī tsia
阮心內會驚
gún sim-lāi ē kiann
敢講是無心傷害
kám-kóng sī bô-sim siong-hāi
所有註定的安排
sóo-ū tsù-tiānn ê an-pâi
佇心內疼毋知
tī sim-lāi thiànn m̄-tsai
無疑你的心
bô-gî lí ê sim
阮看無咱的未來
gún khuànn-bô lán ê bī-lâi
若是將辜負
nā-sī tsiong koo-hū
當做應該
tòng-tsuè ing-kai
到最後的結局
kàu tsuè-āu ê kiat-kio̍k
誰來揹
tsuî lâi phāinn
一條無奈的感情路途
tsi̍t-tiâu bô-nāi ê kám-tsîng lōo-tôo
付出的阮
hù-tshut ê gún
攏無怨妒
lóng bô uàn-tòo
為你食的苦
uī lí tsia̍h ê khóo
只希望你幸福快樂
tsí hi-bāng lí hīng-hok khuài-lo̍k
一陣落袂停的感情雨
tsi̍t-tsūn lo̍h buē-thîng ê kám-tsîng hōo
沃醒阮對愛的堅強
ak tshínn gún tuì ài ê kian-kiông
無聲的原諒
bô-siann ê guân-liōng
毋願閣再繼續
m̄-guān koh-tsài kè-sio̍k
將一切傷心結束
tsiong it-tshè siong-sim kiat-sok
