姻緣一線牽
《姻緣一線牽》In-iân Tsi̍t-suànn Khan
邱芸子Khu Ûn-tsú
——————————————
消失青春走佗藏
siau-sit tshing-tshun tsáu toh tshàng
歲月無情一直送
suè-gua̍t bô-tsîng it-ti̍t sàng
紅花落塗幾若欉
âng-hue lo̍h-thôo kuí-lō tsâng
幸福美滿毋捌探
hīng-hok bí-buán m̄-bat thàm
姻緣紅線一線牽
in-iân âng-suànn tsi̍t-suànn khan
有緣千里佗位等
ū-iân tshian-lí tó-uī tán
月老袂記得彼个人
gua̍t-nóo buē-kì-eh hit ê lâng
緣份拍毋見遮爾暗
iân-hūn phàng-kìnn tsiah-nī àm
啊~人海茫茫
ah~ jîn-hái bâng-bâng
啊~情路無望
ah~ tsîng-lōo bô-bāng
春風何時來相送
tshun-hong hô-sî lâi sio-sàng
姻緣一線牽
in-iân tsi̍t-suànn khan
啊~千里向望
ah~ tshian-lí ǹg-bāng
啊~心中的人
ah~ sim-tiong ê lâng
愁暝夜長一線牽
tshiû-mî iā tn̂g tsi̍t-suànn khan
註定的人我會等
tsù-tiānn ê lâng guá ē tán
