一針一線
《一針一線》Tsi̍t-tsiam Tsi̍t-suànn
邱芸子Khu Ûn-tsú
——————————————
暗淡的光線
àm-tām ê kng-suànn
照著傷心人影
tsiò tio̍h siong-sim lâng-iánn
咱情路如今到遮
lán tsîng-lōo jû-kim kàu tsia
為何心痛疼
uī-hô sim thàng-thiànn
茫茫的形影
bông-bông ê hîng-iánn
真情換來拖磨
tsin-tsîng uānn lâi thua-buâ
初戀夢一針一線
tshoo-luân-bāng tsi̍t-tsiam tsi̍t-suànn
雄心來拆破
hiông-sim lâi thiah-phuà
當初你講
tong-tshoo lí kóng
我是你靈魂一半
guá sī lí lîng-hûn tsi̍t-puànn
欲將阮惜命命
beh tsiong gún sioh-miā-miā
如今親像
jû-kim tshin-tshiūnn
墜落的流星
tuī-lo̍h ê liû-tshinn
無依無倚
bô-i bô-uá
一面破鏡
tsi̍t-bīn phuà kiànn
照袂出你的心肝
tsiò buē-tshut lí ê sim-kuann
阮的愛夢一攤
gún ê ài bāng tsi̍t-thuann
孤單無伴
koo-tuann bô-phuānn
放阮欲按怎
pàng gún beh án-tsuánn
