爸囝情
《爸囝情》Pē-kiánn Tsîng
林俊吉Lîm Tsùn-kiat
——————————————
人生的路有偌長
jîn-sing ê lōo ū guā tn̂g
你就陪阮行偌遠
lí tiō puê gún kiânn guā hn̄g
風雨若大的時陣
hong-hōo nā tuā ê sî-tsūn
有你為阮守窗門
ū lí uī gún siú thang-mn̂g
若是處世袂平順
nā-sī tshú-sè buē pîng-sūn
你就叫阮愛吞忍
lí tiō kiò gún ài thun-lún
堅定跤步踏予穩
kian-tīng kha-pōo ta̍h hōo ún
用心拍拚有擔當
iōng-sim phah-piànn ū tam-tng
你的情你的恩
lí ê tsîng lí ê un
這世人嘛閣有賰
tsit-sì-lâng mā koh ū tshun
這情份難剪斷
tse tsîng-hūn lân tsián-tn̄g
感恩的話囥腹腸
kám-un ê uē khǹg pak-tn̂g
為著阮耽誤青春
uī-tio̍h gún tam-gōo tshing-tshun
生生世世無怨恨
sing-sing sè-sè bô uàn-hūn
假使講天允准
ká-sú-kóng thinn ún-tsún
再結爸囝的緣份
tsài kiat pē-kiánn ê iân-hūn
