淺草姑娘
《淺草姑娘》Tshián-tsháu Koo-niû
林英美Lîm Ing-bí
——————————————
月娘光光照樹枝
ge̍h-niû kng-kng tsiò tshiū-ki
想起彼當時
siūnn-khí hit-tong-sî
舞女真古錐
bú-lú tsin kóo-tsui
笑容目微微
tshiò-iông ba̍k bui-bui
美麗體格帶相思
bí-lē thé-keh tài siunn-si
妖嬌迷人亂心意
iau-kiau bê-lâng luān sim-ì
無暝無日想著伊
bô-mî-bô-ji̍t siūnn-tio̍h i
孤單稀微目屎滴
koo-tuann hi-bî ba̍k-sái tih
淺草小姑娘
tshián-tsháu sió-koo-niû
月娘圓圓浮水面
ge̍h-niû înn-înn phû tsuí-bīn
池中月影媠
tî-tiong ge̍h-iánn suí
淒冷風微微
tshe-líng hong bî-bî
怎樣伊薄命
tsánn-iūnn i po̍k-bīng
為伊目屎流袂盡
uī i ba̍k-sái lâu buē-tsīn
辜負青春哭規暝
koo-hū tshing-tshun khàu kui-mî
害阮深夜苦傷悲
hāi gún tshim-iā khóo siong-pi
毋知何時再相見
m̄-tsai hô-sî tsài sann-kìnn
鳥聲來叫醒
tsiáu-siann lâi kiò-tshínn
月娘彎彎掛天頂
ge̍h-niû uan-uan kuà thinn-tíng
天星粒粒明
thinn-tshinn lia̍p-lia̍p bîng
良宵美麗景
liông-siau bí-lē kíng
幸福在眼前
hīng-hok tsāi gán-tsîng
我的真愛心堅定
guá ê tsin-ài sim kian-tīng
一對目睭活靈靈
tsi̍t-tuì ba̍k-tsiu ua̍h-lîng-lîng
希望相親好愛情
hi-bōng siong-tshin hó ài-tsîng
心情搖動來做證
sim-tsîng iâu-tōng lâi tsuè-tsìng
天地知正經
thian-tē tsai tsìng-king
