感謝你的陪伴
《感謝你的陪伴》Kám-siā Lí ê Puê-phuānn
林俊吉Lîm Tsùn-kiat
——————————————
離開彼一工
lī-khui hit tsi̍t-kang
看著心愛的人
khuànn-tio̍h sim-ài ê lâng
恬恬哭出聲
tiām-tiām khàu tshut-siann
我的心肝有夠疼
guá ê sim-kuann ū-kàu thiànn
你的雙手牽著我
lí ê siang-tshiú khan-tio̍h guá
輕輕叫阮的名
khin-khin kiò gún ê miâ
叫阮愛保重自己啦
kiò gún ài pó-tiōng tsū-kí–lah
火車若到站
hué-tshia nā kàu-tsām
請你莫閣留戀
tshiánn lí mài koh liû-luân
因為我毋甘
in-uī guá m̄-kam
予你哭出聲
hōo lí khàu tshut-siann
感謝你的陪伴
kám-siā lí ê puê-phuānn
一直照顧著我
it-ti̍t tsiàu-kòo tio̍h guá
請你目屎拭予焦
tshiánn lí ba̍k-sái tshit hōo ta
毋通閣為我心疼
m̄-thang koh uī guá sim thiànn
感謝你的陪伴
kám-siā lí ê puê-phuānn
是你無棄嫌我
sī lí bô khì-hiâm guá
這份情
tsit hūn tsîng
我會囥咧心肝
guá ē khǹg-leh sim-kuann
