悲情的機場
《悲情的機場》Pi-tsîng ê Ki-tiûnn
林英美Lîm Ing-bí
——————————————
沿路看天邊
iân-lōo khuànn thinn-pinn
沿路看天邊
iân-lōo khuànn thinn-pinn
走甲滿身汗水滴
tsáu kah muá-sin kuānn-tsuí tih
為著欲見伊一面
uī-tio̍h beh kìnn i tsi̍t-bīn
表明心內悲
piáu-bîng sim-lāi pi
今日若無見著伊
kim-ji̍t nā bô kìnn-tio̍h i
欲閣等何時
beh koh tán hô-sî
心內暗中向天邊
sim-lāi àm-tiong hiòng thinn-pinn
叫著伊名字
kiò tio̍h i miâ-jī
希望飛機體貼阮
hi-bāng hui-ki thé-thiap gún
女性的情意
lú-sìng ê tsîng-ì
大氣喘袂離
tuā-khuì tshuán buē-lī
大氣喘袂離
tuā-khuì tshuán buē-lī
走到機場大門邊
tsáu kàu ki-tiûnn tuā-mn̂g pinn
一身的所有氣力
tsi̍t-sian ê sóo-ū khuì-la̍t
已經無半絲
í-king bô puànn-si
心愛的你在哪裡
sim-ài–ê lí tsāi ná-lí
一心揣著伊
it-sim tshē tio̍h i
因何四邊無看見
in-hô sì-pinn bô khuànn-kìnn
夢中好情侶
bāng-tiong hó tsîng-lī
敢會運命毋准阮
kám ē ūn-miā m̄-tsún gún
佮伊來相見
kah i lâi sio-kìnn
含著珠淚滴
hâm tio̍h tsu-luī tih
含著珠淚滴
hâm tio̍h tsu-luī tih
看見郎君做伊去
khuànn-kìnn lông-kun tsuè i khì
阮一人踮伊後面
gún tsi̍t-lâng tiàm i āu-bīn
因何無看見
in-hô bô khuànn-kìnn
身邊一个媠姑娘
sin-pinn tsi̍t-ê suí koo-niû
是伊的啥物
sī i ê siánn-mih
引阮一時心茫茫
ín gún tsi̍t-sî sim bâng-bâng
愈想心愈悲
jú siūnn sim jú pi
到底何時咱雙人
tàu-té hô-sî lán siang-lâng
再會的日期
tsài-huē ê ji̍t-kî
