心愛的你在哪裡
https://www.youtube.com/watch?v=ivWR3rRZogE
《心愛的你在哪裡》Sim-ài–ê Lí Tsāi Ná-lí
林世芳Lîm Sè-hong
——————————————
心愛的你在哪裡
sim-ài–ê lí tsāi ná-lí
沿路想你心綿綿
iân-lōo siūnn lí sim mî-mî
你毋知做男兒
lí m̄-tsai tsuè lâm-jî
堅定的情意
kian-tīng ê tsîng-ì
為怎樣一時誤會
uī-tsuánn-iūnn tsi̍t-sî gōo-huē
傷心放我做你去
siong-sim pàng guá tsuè lí khì
請相信我
tshiánn siong-sìn guá
相信我
siong-sìn guá
毋通來懷疑
m̄-thang lâi huâi-gî
心愛的你在哪裡
sim-ài–ê lí tsāi ná-lí
哪通為我心傷悲
ná thang uī guá sim siong-pi
咱雙人是一對
lán siang-lâng sī tsi̍t-tuì
意愛好伴侶
ì-ài hó phuānn-lī
雖然是暫時分離
sui-jiân sī tsiām-sî hun-lî
永遠我無變意志
íng-uán guá bô piàn ì-tsì
請相信我
tshiánn siong-sìn guá
相信我
siong-sìn guá
寂寞的男兒
tsi̍k-bo̍k ê lâm-jî
心愛的你在哪裡
sim-ài–ê lí tsāi ná-lí
沿路叫著你名字
iân-lōo kiò tio̍h lí miâ-jī
我無你
guá bô lí
欲叫我怎樣活落去
bueh kiò guá tsuánn-iūnn ua̍h–lo̍h-khì
無論是海角天邊
bô-lūn sī hái-kak thinn-pinn
我也欲來去揣你
guá iā bueh lâi-khì tshuē lí
請你相信我
tshiánn lí siong-sìn guá
相信我
siong-sìn guá
轉來阮身邊
tńg-lâi gún sin-pinn
