祝你生日快樂
《祝你生日快樂》Tsiok Lí Sinn-ji̍t Khuài-lo̍k
李兆麟Lí Tiāu-lîn
——————————————
透早日頭光光
thàu-tsá ji̍t-thâu kng-kng
險險照著尻川
hiám-hiám tsiò tio̍h kha-tshng
我才想著趕緊起床
guá tsiah siūnn-tio̍h kuánn-kín khí-tshn̂g
衫凊彩穿穿
sann tshìn-tshái tshīng-tshīng
芳水小噴噴
phang-tsuí sió phùn-phùn
緣投就免啥著梳妝
iân-tâu tō bián-sánn tio̍h se-tsng
清風柔柔軟軟
tshing hong jiû-jiû nńg-nńg
輕輕吹一陣一陣
khin-khin tshue tsi̍t-tsūn-tsi̍t-tsūn
規陣人
kui-tīn lâng
相招來出門
sio-tsio lâi tshut-mn̂g
今仔日啥物日子
kin-á-ji̍t siánn-mih ji̍t-tsí
你免閣假問
lí bián koh ké mn̄g
我絕對
guá tsua̍t-tuì
奉陪到天光
hōng-puê kàu thinn kng
請問壽星你幾歲
tshiánn-mn̄g siū-tshinn lí kuí huè
等咧你欲和誰坐
tán–leh lí beh hām siáng tsē
雞卵糕已經攢好勢
ke-nn̄g-ko í-king tshuân hó-sè
這款朋友佗位揣
tsit khuán pîng-iú tó-uī tshuē
咱的壽星免歹勢
lán ê siū-tshinn bián pháinn-sè
莫閣暗崁心內話
mài koh àm-khàm sim-lāi uē
下的願望講三个啊
hē ê guān-bōng kóng sann-ê–ah
講完
kóng-uân
蠟燭輕輕吹
la̍h-tsik khin-khin tshue
你準備好未
lí tsún-pī hó–buē
聽阮對你講的話
thiann gún tuì lí kóng ê uē
祝你生日快樂
tsiok lí senn-ji̍t khuài-lo̍k
身邊有伴
sin-pinn ū phuānn
祝你生日快樂
tsiok lí senn-ji̍t khuài-lo̍k
無重無耽
bô-tîng-bô-tânn
祝你生日快樂
tsiok lí senn-ji̍t khuài-lo̍k
無牽無掛
bô-khian-bô-kuà
祝你生日快樂
tsiok lí senn-ji̍t khuài-lo̍k
想啥有啥
siūnn siánn ū siánn
你感覺爽未
lí kám-kak sóng–buē
閣聽一擺
koh thiann tsi̍t-pái
阮心內話
gún sim-lāi uē
祝你生日快樂
tsiok lí senn-ji̍t khuài-lo̍k
身邊有伴
sin-pinn ū phuānn
祝你生日快樂
tsiok lí senn-ji̍t khuài-lo̍k
無重無耽
bô-tîng-bô-tânn
祝你生日快樂
tsiok lí senn-ji̍t khuài-lo̍k
無牽無掛
bô-khian-bô-kuà
祝你生日快樂
tsiok lí senn-ji̍t khuài-lo̍k
想啥有啥
siūnn siánn ū siánn
—
祝你生日快樂
tsiok lí senn-ji̍t khuài-lo̍k
幸福滿滿
hīng-hok muá-muá
祝你生日快樂
tsiok lí senn-ji̍t khuài-lo̍k
夢中有我
bāng-tiong ū guá
