快樂的烏手工
《快樂的烏手工》Khuài-lo̍k ê Oo-tshiú-kang
石元朗Tsio̍h Guân-lóng
——————————————
透早天未光
thàu-tsá thinn buē kng
陣陣冷風霜
tsūn-tsūn líng hong-sng
手提便當欲出門
tshiú the̍h piān-tong beh tshut-mn̂g
毋驚路頭遠
m̄-kiann lōo-thâu hn̄g
我就是為三頓
guá tsiū-sī uī sann-tǹg
嘢!每日著透早出門
iah! muí-ji̍t tio̍h thàu-tsá tshut-mn̂g
做到下昏才回轉
tsuè kàu e-hng tsiah huê-tńg
為將來
uī tsiong-lâi
愛拍算
ài phah-sǹg
毋敢跤手軟
m̄-kánn kha-tshiú nńg
透早去做工
thàu-tsá khì tsuè-kang
滿身烏櫳櫳
muá-sin oo lang-lang
頭面親像烏煙筒
thâu-bīn tshin-tshiūnn oo ian-tâng
佮人無相仝
kah lâng bô sann-kāng
我就是做工人
guá tsiū-sī tsuè-kang-lâng
嘢!為著欲達成希望
iah! uī-tio̍h beh ta̍t-sîng hi-bāng
毋驚一切的艱難
m̄-kiann it-tshè ê kan-lân
心輕鬆來活動
sim khin-sang lâi ua̍h-tāng
拍拚咧做工
phah-piànn teh tsuè-kang
環境真艱苦
khuân-kíng tsin kan-khóo
穿著破衫褲
tshīng tio̍h phuà sann-khòo
愛人約束欲散步
ài-jîn iok-sok beh sàn-pōo
身軀無半箍
sin-khu bô puànn-khoo
我就是為前途
guá tsiū-sī uī tsiân-tôo
啊!看出去
ah! khuànn–tshut-khì
親像落雨
tshin-tshiūnn lo̍h-hōo
猶原忍耐著艱苦
iu-guân jím-nāi tio̍h kan-khóo
為將來光明路
uī tsiong-lâi kong-bîng lōo
也是無法度
iā-sī bô-huat-tōo
