見景傷情
《見景傷情》Kiàn-kíng Siong-tsîng
尤雅Iû Ngá
——————————————
窗外梅花已開
thang-guā muî-hue í khai
這是你親手栽
tse sī lí tshin-tshiú tsai
花芳花媠
hue phang hue suí
人人愛
lâng-lâng ài
只欠蝴蝶採
tsí khiàm ôo-tia̍p tshái
受盡了風吹雨沃
siū-tsīn liáu hong tshue hōo ak
花蕊欲落落來
hue-luí bueh làu–lo̍h-lâi
偏偏心愛不在
phian-phian sim-ài put-tsāi
何時欲轉來
hô-sî bueh tńg–lâi
每年櫻花當開
muí-nî ing-hue tng khui
人咱時常伴相隨
lâng lán sî-siông phuānn-sio-suî
做陣欣賞花蕊媠
tsuè-tīn him-sióng hue-luí suí
彼時真迷醉
hit-sî tsin bê-tsuì
如今是孤單一人
jû-kim sī koo-tuann tsi̍t-lâng
看人成雙成對
khuànn lâng sîng-siang sîng-tuì
暗暗流出珠淚
àm-àm lâu tshut tsu-luī
希望你早歸
hi-bāng lí tsá kui
每逢天上月圓
muí hông thian-siōng ge̍h-înn
迷人的月光暝
bê-lâng ê ge̍h-kng-mî
予阮更加思念你
hōo gún kìng-ka su-liām lí
你是在哪裡
lí sī tsāi ná-lí
房內的淒涼燈光
pâng-lāi ê tshe-liâng ting-kng
陪伴阮心稀微
puê-phuānn gún sim hi-bî
想欲佮你相見
siūnn-beh kah lí sio-kìnn
只有在夢裡
tsí-ū tsāi bāng-lí
