呢!我愛你
《呢!我愛你》Neh! Guá Ài Lí
尤雅Iû Ngá
——————————————
雖然我是真愛你
sui-jiân guá sī tsin ài lí
但是袂當來見你
tān-sī buē-tàng lâi kìnn lí
因為你來離鄉里
in-uī lí lâi lî hiunn-lí
毋知對佗去
m̄-tsai tuì toh khì
阮每擺想起著你
gún muí pái siūnn-khí tio̍h lí
只有向天訴心意
tsí-ū hiòng thinn sòo sim-ì
阮是真情的女兒
gún sī tsin-tsîng ê lú-jî
呢~我愛你
neh~ guá ài lí
鴛鴦戲水好伴侶
uan-iunn hì-tsuí hó phuānn-lī
爸母阻止拆分離
pē-bú tsóo-tsí thiah hun-lî
愛情專一永不移
ài-tsîng tsuan-it íng put-î
揣你兩三年
tshē lí nn̄g-sann nî
這款的忠誠情意
tsit khuán ê tiong-sîng tsîng-ì
你若毋知就枉費
lí nā m̄-tsai tiō óng-huì
阮是純情的女兒
gún sī sûn-tsîng ê lú-jî
呢~我愛你
neh~ guá ài lí
若會揣著心愛你
nā ē tshē-tio̍h sim-ài lí
心情毋知偌歡喜
sim-tsîng m̄-tsai guā huann-hí
將阮滿腹的情意
tsiong gún muá-pak ê tsîng-ì
向你來表示
hiòng lí lâi piáu-sī
從今後我通佮你
tsiông-kim-āu guá thang kah lí
快樂幸福過日子
khuài-lo̍k hīng-hok kè ji̍t-tsí
阮是溫馴的女兒
gún sī un-sûn ê lú-jî
呢~我愛你
neh~ guá ài lí
