玫瑰花
《玫瑰花》Muî-kuì-hue
龍千玉Liông Tshian-gio̍k
——————————————
玫瑰的花芳
muî-kuì ê hue-phang
害阮心茫茫
hāi gún sim bâng-bâng
送阮的花蕊
sàng gún ê hue-luí
是遮爾紅
sī tsiah-nī âng
你講你孤單
lí kóng lí koo-tuann
希望阮佮你做伴
hi-bāng gún kah lí tsuè-phuānn
這款的代誌
tsit khuán ê tāi-tsì
毋是講行就行
m̄-sī kóng kiânn tiō kiânn
一工送阮一蕊花
tsi̍t-kang sàng gún tsi̍t-luí hue
一工講無一句話
tsi̍t-kang kóng bô tsi̍t-kù uē
每工送阮玫瑰花
muí-kang sàng gún muî-kuì-hue
敢講你已經考慮好勢
kám-kóng lí í-king khó-lū hó-sè
玫瑰花啊玫瑰花
muî-kuì-hue–ah muî-kuì-hue
逐工送阮一蕊花
ta̍k-kang sàng gún tsi̍t-luí hue
玫瑰花啊玫瑰花
muî-kuì-hue–ah muî-kuì-hue
共伊囥佇心肝底
kā-i khǹg tī sim-kuann-té
