幸福
《幸福》Hīng-hok
陳雷Tân Luî
——————————————
有緣佮心所愛的人
ū-iân kah sim sóo ài ê lâng
來做著這領感情網
lâi tsuè tio̍h tsit niá kám-tsîng bāng
雖然著時間
sui-jiân tio̍h sî-kan
才會做予完
tsiah ē tsuè hōo uân
過程中
kuè-tîng tiong
食苦我無怨嘆
tsia̍h-khóo guá bô uàn-thàn
活踮在世間有寄望
ua̍h tiàm-tsāi sè-kan ū kià-bāng
就感覺啥物攏真讚
tiō kám-kak siánn-mih lóng tsin tsán
假使若無你
khá-sú nā bô lí
我咧空思戀
guá teh khang su-luân
這人生就變成真烏暗
tse jîn-sing tiō piàn-sîng tsin oo-àm
幸福幸福的我
hīng-hok hīng-hok ê guá
逐工攏茫茫茫
ta̍k-kang lóng ba̋ng-bâng-bâng
愛情的酒
ài-tsîng ê tsiú
哪會遮爾芳
ná ē tsiah-nī phang
幸福幸福的我
hīng-hok hīng-hok ê guá
逐工攏鬆鬆鬆
ta̍k-kang lóng sa̋ng-sang-sang
我的人生
guá ê jîn-sing
充滿著希望
tshiong-buán tio̍h hi-bāng
