懷念的探戈
https://www.youtube.com/watch?v=NOgcyz-rkYA
《懷念的探戈》Huâi-liām ê Thàn-gòo
林世芳Lîm Sè-hong
——————————————
向著我頭殼敧敧
hiòng tio̍h guá thâu-khak khi-khi
滿面笑咪咪
muá-bīn tshiò bi-bî
彼个姑娘想啥物
hit-ê koo-niû siūnn siánn-mih
行對來我的身邊
kiânn uì lâi guá ê sin-pinn
一時感覺趣味
tsi̍t-sî kám-kak tshù-bī
我來伴伊跳一塊
guá-lâi phuānn i thiàu tsi̍t-tè
懷念的熱情的探戈
huâi-liām ê jia̍t-tsîng ê thàn-gòo
我心內也來唱著
guá sim-lāi iā lâi tshiò tio̍h
熱情的歌詩
jia̍t-tsîng ê kua-si
彼時忽然對我露出
hit-sî hut-jiân tuì guá lōo-tshut
今夜就是
kim-iā tsiū-sī
最後的暗暝
tsuè-āu ê àm-mî
來流著珠淚
lâi lâu tio̍h tsu-luī
引起我一時無話
ín-khí guá tsi̍t-sî bô uē
可來安慰伊
khó lâi an-uì i
送別的音樂
sàng-piat ê im-ga̍k
雖然逼人愛分離
sui-jiân pik lâng ài hun-lî
兩个人并在窗邊
nn̄g-ê lâng pìng tsāi thang-pinn
度過深更
tōo-kè tshim-kinn
彼一暝月色青青
hit-tsi̍t-mî ge̍h-sik tshinn-tshinn
北風冷吱吱
pak-hong líng-ki-ki
彼个姑娘想啥物
hit ê koo-niû siūnn siánn-mih
倚靠在我的身邊
uá-khò tsāi guá ê sin-pinn
一時伊來提議
tsi̍t-sî i lâi thê-gī
叫我送伊
kiò guá sàng i
沿路來唱
iân-lōo lâi tshiò
彼條悲情的歌詩
hit tiâu pi-tsîng ê kua-si
伊毋知我猶原是
i m̄-tsai guá iu-guân sī
寂寞的男兒
tsi̍k-bo̍k ê lâm-jî
彼時忽然月娘鑽入
hit-sî hut-jiân ge̍h-niû tsǹg-ji̍p
烏雲縫內
oo-hûn phāng lāi
肅靜的暗暝
siok-tsīng ê àm-mî
打動我熱情
tánn-tōng guá jia̍t-tsîng
引起我無聲無說
ín-khí guá bô-siann-bô-sueh
雙手抱著伊
siang-tshiú phō tio̍h i
甘蜜的Kiss
kam-bi̍t ê khí-suh
雖然蟲聲哀哀啼
sui-jiân thâng-siann ai-ai thî
兩个人踮在夢中
nn̄g-ê lâng tiàm-tsāi bāng-tiong
毋願分離
m̄-guān hun-lî
