悲戀
《悲戀》Pi-luân
文夏Bûn-hā
——————————————
照路燈火
tsiò lōo ting-hé
毋知阮心情
m̄-tsai gún sim-tsîng
我會失戀
guá ē sit-luân
想著袂分明
siūnn-tio̍h buē hun-bîng
捀酒杯杯啉了
phâng tsiú pue-pue lim liáu
也袂清
iā buē-tshing
啊!看著月娘
ah! khuànn-tio̍h ge̍h-niû
加添阮心凝
ka-thiam gún sim gîng
更深樹葉
kenn tshim tshiū-hio̍h
露水點點凍
lōo-tsuí tiám-tiám tàng
為你捀酒
uī lí phâng tsiú
一滴一滴甘
tsi̍t-tih-tsi̍t-tih kam
半睏半醒
puànn-khùn puànn-tshínn
喝叫的惡夢
huah-kiò ê ok-bāng
啊!可恨女性
ah! khó-hūn lú-sìng
親像薔薇欉
tshin-tshiūnn tshiông-bî tsâng
顛顛醉醉
tian-tian tsuì-tsuì
迷迷半路上
bê-bê puànn-lōo siōng
明知懵懂
bîng-tsai bóng-tóng
日日戇戇想
ji̍t-ji̍t gōng-gōng siōnn
芳酒怎樣
phang-tsiú tsuánn-iūnn
難解阮愁容
lân kái gún tshiû-iông
啊!就是無情
ah! tsiū-sī bô-tsîng
害阮遊酒場
hāi gún iû tsiú-tiônn
