出發啦
《出發啦》Tshut-huat–lah
良一Liông-it
——————————————
毋通怨嘆
m̄-thang uàn-thàn
毋免悲傷
m̄-bián pi-siong
拍斷手骨顛倒勇
phah-tn̄g tshiú-kut tian-tò ióng
做著男兒愛自強
tsuè tio̍h lâm-jî ài tsū-kiông
留戀過去啥路用
liû-luân kuè-khì siánn lōo-iōng
食得苦中苦
tsia̍h tit khóo tiong khóo
才來論英雄
tsiah lâi lūn ing-hiông
好漢毋驚命運來作弄
hó-hàn m̄-kiann miā-ūn lâi tsok-lōng
勇敢向前行
ióng-kám hiòng-tsiân kiânn
心中無驚惶
sim-tiong bô kiann-hiânn
成功兩字
sîng-kong nn̄g-jī
伴我見阿娘
phuānn guá kìnn a-niâ
啊~天下萬物皆有情
ah~ thian-hā bān-bu̍t kai ū tsîng
天生我材必有用
thian sing ngóo tsâi pit iú īng
今日若把握
kim-ji̍t nā pá-ak
明日好名聲
bîng-ji̍t hó miâ-siann
我也決定
guá iā kuat-tīng
欲來出發啦
bueh lâi tshut-huat–lah
