疼入心內
《疼入心內》Thiànn Ji̍p Sim-lāi
沈建豪Sím Kiàn-hô
——————————————
秋風吹過落葉
tshiu-hong tshue kuè lo̍h-hio̍h
我思念著你
guá su-liām tio̍h lí
到如今
kàu jû-kim
猶有微微仔的傷悲
iáu-ū bî-bî-á ê siong-pi
墜落的流星
tuī-lo̍h ê liû-tshinn
若阮付出的愛
ná gún hù-tshut ê ài
一粒心肝
tsi̍t-lia̍p sim-kuann
落在想你的情海
lo̍h tsāi siūnn lí ê tsîng-hái
行在鬧熱街路
kiânn tsāi lāu-jia̍t ke-lōo
放捒著未來
pàng-sak tio̍h bī-lâi
越頭毋敢回想
ua̍t-thâu m̄-kánn huê-sióng
毋敢再等待
m̄-kánn tsài tán-thāi
你手冷吱吱
lí tshiú líng-ki-ki
已經斷線的愛
í-king tn̄g-suànn ê ài
為怎樣
uī tsuánn-iūnn
我猶猶原放你袂開
guá iáu iu-guân pàng lí buē-khui
想著你疼疼疼
siūnn-tio̍h lí thiànn-thiànn-thiànn
疼入心內
thiànn ji̍p sim-lāi
是我自己猶留戀愛
sī guá ka-kī iáu liû-luân ài
做過的夢猶原在
tsò-kuè ê bāng iu-guân tsāi
啊~今夜我酒醉心碎
ah~ kim-iā guá tsiú-tsuì sim tshuì
想著你疼疼疼
siūnn-tio̍h lí thiànn-thiànn-thiànn
疼入心內
thiànn ji̍p sim-lāi
你放開阮對你的愛
lí pàng-khui gún tuì lí ê ài
啊~這段情
ah~ tsit tuānn tsîng
變成永遠的傷害
piàn-sîng íng-uán ê siong-hāi
