日落情歌
《日落情歌》Ji̍t-lo̍h Tsîng-kua
沈文程Sím Bûn-tîng
——————————————
遠遠看見
hn̄g-hn̄g khuànn-kìnn
彼爿的天邊
hit-pîng ê thinn-pinn
金色的太陽
kim-sik ê thài-iông
漸漸沉落去
tsiām-tsiām tîm–lo̍h-khì
庄跤陣陣油菜的芳味
tsng-kha tsūn-tsūn iû-tshài ê phang-bī
黃昏的景緻
hông-hun ê kíng-tì
是遮爾媠
sī tsiah-nī suí
你也輕輕
lí iā khin-khin
倚在阮身邊
uá tsāi gún sin-pinn
烏色的頭鬃
oo-sik ê thâu-tsang
隨風飄來飄去
suî hong phiau-lâi-phiau-khì
你講毋知偌久的代誌
lí kóng m̄-tsai guā kú ê tāi-tsì
毋捌?迌甲遮歡喜
m̄-bat tshit-thô kah tsiah huann-hí
春風微微吹
tshun-hong bî-bî tshue
甜蜜的情話
tinn-bi̍t ê tsîng-uē
講出也會歹勢
kóng-tshut iā ē pháinn-sè
親像細漢時
tshin-tshiūnn sè-hàn sî
佮你覕相揣
kah lí bih sio-tshuē
掠著予人唚喙䫌
lia̍h–tio̍h hōo-lâng tsim tshuì-phué
時間唀唀過
sî-kan siù-siù kuè
青色的樹椏
tshinn-sik ê tshiū-ue
鳥隻也四界飛
tsiáu-tsiah iā sì-kè pue
想閣欲分別
siūnn koh beh hun-pia̍t
心內真難過
sim-lāi tsin lân-kuè
毋知何時再相會
m̄-tsai hô-sî tsài siong-huē
