夜幫火車
《夜幫火車》Iā-pang Hué-tshia
吳淑敏Ngôo Siok-bín
——————————————
冷淡的月臺
líng-tām ê gua̍t-tâi
稀微的背影
hi-bî ê puē-iánn
等待火車的人
tán-thāi hué-tshia ê lâng
咱是毋是攏仝款
lán sī-m̄-sī lóng kāng-khuán
拖著寂寞心情
thua tio̍h tsi̍k-bo̍k sim-tsiânn
沉重的行李
tîm-tāng ê hîng-lí
空虛跤步聲
khang-hi kha-pōo-siann
坐佇車窗的人
tsē tī tshia-thang ê lâng
你是欲轉去故鄉
lí sī beh tńg-khì kòo-hiong
抑是流浪生活
ia̍h-sī liû-lōng sing-ua̍h
夜幫火車
iā-pang hué-tshia
載著啥人的孤單
tsài tio̍h siánn-lâng ê koo-tuann
欲離開鬧熱的都城
beh lī-khui lāu-jia̍t ê too-siânn
迷茫的虛華
bê-bông ê hi-hua
攏是夢一攤
lóng-sī bāng tsi̍t-thuann
親像窗外風景
tshin-tshiūnn thang-guā hong-kíng
一幕一幕咧搬
tsi̍t-bōo-tsi̍t-bōo teh puann
夜幫火車
iā-pang hué-tshia
載著啥人的苦澀
tsài tio̍h siánn-lâng ê khóo-siap
欲離開傷心的都城
beh lī-khui siong-sim ê too-siânn
無緣的人
bô-iân ê lâng
無情的咒誓
bô-tsîng ê tsiù-tsuā
親像拆破的線
tshin-tshiūnn thiah-phuà ê suànn
免閣牽掛
bián koh khian-kuà
