你是我的心肝寶貝
《你是我的心肝寶貝》Lí Sī Guá ê Sim-kuann Pó-puè
吳淑敏Ngôo Siok-bín
——————————————
遮濟年
tsiah tsuē nî
有你的陪伴
ū lí ê puê-phuānn
若無你
nā bô lí
我毋知變按怎
guá m̄-tsai piàn án-tsuánn
佳哉有你來相倚
ka-tsài ū lí lâi sio-uá
我的性命
guá ê sìnn-miā
無限快活
bô-hān khuìnn-ua̍h
真久攏無認真陪伴你
tsin kú lóng bô jīn-tsin puê-phuānn lí
共你講一聲對不起
kā lí kóng tsi̍t-siann tuì-put-khí
請你毋通來掛意
tshiánn lí m̄-thang lâi kuà-ì
我會永遠照顧你
guá ē íng-uán tsiàu-kòo lí
啊~你是我的心肝仔寶貝
ah~ lí sī guá ê sim-kuann-á pó-puè
你去佗
lí khì tueh
我就綴你去佗
guá tiō tuè lí khì tueh
無論風雨有偌濟
bô-lūn hong-hōo ū guā-tsuē
你我牽手來做伙
lí guá khan-tshiú lâi tsò-hué
啊~你是我的心肝仔寶貝
ah~ lí sī guá ê sim-kuann-á pó-puè
你去佗
lí khì tueh
我就綴你去佗
guá tiō tuè lí khì tueh
毋驚困難有偌濟
m̄-kiann khùn-lân ū guā-tsuē
你我用心開春花
lí guá iōng-sim khui tshun-hue
啊~你是我的心肝寶貝
ah~ lí sī guá ê sim-kuann pó-puè
今生今世做陣飛
kim-sin kim-sè tsuè-tīn pue
啊~你是我的心肝寶貝
ah~ lí sī guá ê sim-kuann pó-puè
今生今世做陣飛
kim-sing kim-sè tsuè-tīn pue
