你敢會記
https://www.youtube.com/watch?v=jKehDMK_8Yg
《你敢會記》Lí Kám Ē-kì
吳淑敏Ngôo Siok-bín
——————————————
青春的跤步聲
tshing-tshun ê kha-pōo-siann
往事漸漸行
óng-sū tsiām-tsiām kiânn
偌濟春夏秋冬
guā-tsuē tshun-hā tshiu-tang
寫滿滿思念
siá muá-muá su-liām
看歲月日落山
khuànn huè-gua̍t ji̍t lo̍h-suann
黃昏的樹跤
hông-hun ê tshiū-kha
模樣是
bôo-iūnn sī
快樂的雙人影
khuài-lo̍k ê siang-lâng iánn
話講袂煞
uē kóng buē-suah
寫予你情話批紙
siá hōo lí tsîng-uē phue-tsuá
有咱甜蜜的交換
ū lán tinn-bi̍t ê kau-uānn
過去點點滴滴的做伴
kuè-khì tiám-tiám-tih-tih ê tsuè-phuānn
不時心內有你形影
put-sî sim-lāi ū lí hîng-iánn
你敢會記彼首情歌
lí kám ē-kì hit siú tsîng-kua
陪咱一段
puê lán tsi̍t-tuānn
浪漫美麗的生活
lōng-bān bí-lē ê sing-ua̍h
當初你彼句
tong-tshoo lí hit kù
真心咒誓
tsin-sim tsiù-tsuā
留佇心肝
lâu tī sim-kuann
踮昔日多情海岸
tiàm sik-ji̍t to-tsîng hái-huānn
你敢會記咱的情關
lí kám ē-kì lán ê tsîng-kuan
對天下願
tuì thinn hē-guān
講欲牽手
kóng beh khan-tshiú
永永遠遠
íng-íng-uán-uán
日子過一半
ji̍t-tsí kuè tsi̍t-puànn
咱才發覺
lán tsiah huat-kak
時間沖淡原來的夢
sî-kan tshiong-tām guân-lâi ê bāng
只賰懷念
tsí tshun huâi-liām
