未完成的愛情
《未完成的愛情》Bī Uân-sîng ê Ài-tsîng
李芊慧Lí Tshian-huī
——————————————
毋是我對你無情
m̄-sī guá tuì lí bô-tsîng
算來是兩人無緣
sǹg–lâi sī nn̄g-lâng bô-iân
過去花前月下
kuè-khì hua-tsiân gua̍t-hā
海誓山盟
hái-sè san-bîng
全部變薰煙
tsuân-pōo piàn hun-ian
啊~自從佮你分離
ah~ tsū-tsiông kah lí hun-lî
心肝一直袂清
sim-kuann it-ti̍t buē-tshing
無奈命運阻隔
bô-nāi miā-ūn tsóo-keh
怨嘆也是無路用
uàn-thàn iā-sī bô-lōo-īng
啊~叫聲心愛的人
ah~ kiò siann sim-ài ê lâng
請你著愛分離
tshiánn lí tio̍h-ài hun-lî
千萬毋通為我
tshian-bān m̄-thang uī guá
暝日心頭凝
mî-ji̍t sim-thâu gîng
毋是我無情無義
m̄-sī guá bô-tsîng bô-gī
實在是環境所致
si̍t-tsāi sī khuân-kíng sóo-tì
過去綿綿情意
kuè-khì mî-mî tsîng-ì
糖甘蜜甜
thn̂g-kam bi̍t-tinn
難得放袂記
lân-tit pàng-buē-kì
啊~毋願佮你分開
ah~ m̄-guān kah lí hun-khui
偏偏著愛分開
phian-phian tio̍h-ài hun-khui
雖然真不得已
sui-jiân tsin put-tik-í
猶原袂當來做堆
iu-guân buē-tàng lâi tsuè-tui
啊~叫聲心愛的人
ah~ kiò siann sim-ài ê lâng
請你毋通傷悲
tshiánn lí m̄-thang siong-pi
千萬毋通為我
tshian-bān m̄-thang uī guá
暝日吐大氣
mî-ji̍t thóo-tuā-khuì
