有你也孤單
https://www.youtube.com/watch?v=q3ka9EcezVY
《有你也孤單》Ū Lí Iā Koo-tuann
李明洋Lí Bîng-iông
——————————————
心空守孤燈夜
sim khang siú koo-ting iā
猶原等無你的形影
iu-guân tán-bô lí ê hîng-iánn
今夜只有
kim-iā tsí-ū
月色來做伴
gue̍h-sik lâi tsuè-phuānn
無你
bô lí
哪有心情
ná-ū sim-tsiânn
怎樣阮愛毋驚
tsuánn-iūnn gún ài m̄-kiann
明知咱兩人行袂倚
bîng-tsai lán nn̄g-lâng kiânn buē uá
自由予你
tsū-iû hōo lí
來回阮身邊才愛我
lâi-huê gún sin-pinn tsiah ài guá
這敢毋是折磨
tse kám m̄-sī tsiat-buâ
有你踮阮身邊
ū lí tiàm gún sin-pinn
也是孤單
iā-sī koo-tuann
無色彩的感情
bô sik-tshái ê kám-tsîng
像一張白紙
tshiūnn tsi̍t-tiunn pe̍h-tsuá
熱情佇阮心內
jia̍t-tsîng tī gún sim-lāi
已經散
í-king suànn
只賰寂寞難靠岸
tsí tshun tsi̍k-bo̍k lân khò-huānn
有我陪你身邊
ū guá puê lí sin-pinn
也是孤單
iā-sī koo-tuann
無聲無話無看
bô-siann bô-uē bô khuànn
像生份的伴
tshiūnn tshinn-hūn ê phuānn
可比一領薄薄的舊衫
khó-pí tsi̍t-niá po̍h-po̍h ê kū-sann
怎樣穿也袂溫暖
tsuánn-iūnn tshīng iā buē un-luán
阮心肝永遠是寒
gún sim-kuann íng-uán sī kuânn
