上熟似的生份人
《上熟似的生份人》Siōng Si̍k-sāi ê Tshinn-hūn-lâng
李明洋Lí Bîng-iông
——————————————
窗外落著綿綿的小雨
thang-guā lo̍h tio̍h mî-mî ê sió-hōo
親像你離開的彼下晡
tshin-tshiūnn lí lī-khui ê hit ē-poo
心憂悶慼
sim iu būn-tsheh
無人通借問
bô-lâng thang tsioh-mn̄g
你的心
lí ê sim
離我有偌遠
lī guá ū guā hn̄g
往事若閣追
óng-sū nā koh tui
只有加添怨恨
tsí-ū ka-thiam uàn-hūn
情已經必巡
tsîng í-king pit-sûn
按怎彌補
án-tsuánn mí-póo
攏無法度回到當初
lóng bô-huat-tōo huê kàu tong-tshoo
你是我用性命
lí sī guá iōng sìnn-miā
愛過疼過的人
ài–kuè thiànn–kuè ê lâng
如今變成
jû-kim piàn-sîng
我上熟似
guá siōng si̍k-sāi
也生份的人
iā siōng tshinn-hūn ê lâng
毋敢講出的思念
m̄-kánn kóng–tshut ê su-liām
有千斤萬斤重
ū tshian-kin bān-kin tāng
想欲見一面
siūnn-beh kìnn tsi̍t-bīn
比登天閣較難
pí ting-thian koh-khah lân
