純情玫瑰花
https://www.youtube.com/watch?v=aZZA1qIeOcw
《純情玫瑰花》Sûn-tsîng Muî-kuì-hue
吳俊宏Ngôo Tsùn-hông
——————————————
純情的玫瑰花
sûn-tsîng ê muî-kuì-hue
寒夜的風對面咧吹
hân-iā ê hong tuì bīn teh tshue
請你予我一个機會
tshiánn lí hōo guá tsi̍t-ê ki-huē
佮你來交陪
kah lí lâi kau-puê
心毋敢講坦白
sim m̄-kánn kóng thán-pe̍h
想欲愛你
siūnn-beh ài lí
又驚歹勢
iū kiann pháinn-sè
綿綿小雨飄過
mî-mî sió-hōo phiau–kuè
將你攬做伙
tsiong lí lám tsò-hué
蝴蝶隨風輕輕飛
ôo-tia̍p suî hong khin-khin pue
雙雙咧徘徊
siang-siang teh pâi-huê
越頭對阮輕輕笑
ua̍t-thâu tuì gún khin-khin tshiò
映出的美麗
ìng tshut ê bí-lē
親像咧笑阮
tshin-tshiūnn teh tshiò gún
話遮濟
uē tsiah tsē
一雙手牽你一个
tsi̍t-siang tshiú khan lí tsi̍t-ê
若有風有雨我來牚
nā ū hong ū hōo guá lâi thènn
予你一生幸福過
hōo lí it-sing hīng-hok kuè
一生幸福過
it-sing hīng-hok kuè
