飄撇的運將
《飄撇的運將》Phiau-phiat ê Ùn-tsiàng
吳俊宏Ngôo Tsùn-hông
——————————————
做一个拚過風霜
tsuè tsi̍t-ê piànn kuè hong-song
飄撇的查埔囝
phiau-phiat ê tsa-poo-kiánn
離開著酒矸做伴
lī-khui tio̍h tsiú-kan tsuè-phuānn
做著運將
tsuè tio̍h ùn-tsiàng
快樂生活
khuài-lo̍k sing-ua̍h
搦一寡心酸的目屎
la̍k tsi̍t-kuá sim-sng ê ba̍k-sái
當做tsí-puh藏佇心肝
tòng-tsuè tsí-puh tshàng tī sim-kuann
較苦
khah khóo
我也毋願哭出聲
guá iā m̄-guān khàu tshut-siann
毋驚現實中的拖磨
m̄-kiann hiān-si̍t tiong ê thua-buâ
將我嚇驚
tsiong guá heh-kiann
我紡正人生的運轉盤
guá pháng tsiànn jîn-sing ê ūn-tsuán-puânn
鬥陣的
tàu-tīn–ê
你看頭前
lí khuànn thâu-tsîng
金山佮銀山
kim-suann kah gîn-suann
若有心欲拚
nā ū-sim beh piànn
心頭著愛掠予正
sim-thâu tio̍h-ài lia̍h hōo tsiànn
為三頓為前途
uī sann-tǹg uī tsiân-tôo
為厝內的某囝
uī tshù-lāi ê bóo-kiánn
浪子回頭金不換
lōng-tsú huê-thâu kim put-uānn
