拍開心窗的鎖
《拍開心窗的鎖》Phah-khui Sim-thang ê Só
余天Î Thian
——————————————
冬天的寒風吹來
tang-thinn ê hân-hong tshue–lâi
冷冰冰凍著阮
líng-ping-ping tàng tio̍h gún
這時陣最需要
tsit-sî-tsūn tsuè su-iàu
你安慰身魂
lí an-uì sin-hûn
一生中經過的事
it-sing tiong king-kuè ê sū
敢著愛使人恨
kám tio̍h-ài sú-lâng hūn
啥人來幫助著阮
siánn-lâng lâi pang-tsōo tio̍h gún
拍開心門
phah-khui sim-bûn
早日的今日的夢
tsá-ji̍t ê kim-ji̍t ê bāng
明日敢會完成
bîng-ji̍t kám ē uân-sîng
毋敢夢
m̄-kánn bāng
毋敢亂想
m̄-kánn luān-siūnn
阮的前程
gún ê tsiân-tîng
路邊的彼粒夜燈
lōo-pinn ê hit lia̍p iā-ting
照甲阮心袂清
tsiò kah gún sim buē-tshing
難忘的彼段情景
lân-bōng ê hit tuānn tsîng-kíng
浮在眼前
phû tsāi gán-tsîng
痴情的夢啊夢
tshi-tsîng ê bāng–ah bāng
對半暝到天紅
tuì puànn-mî kàu thinn âng
總是一个人
tsóng-sī tsi̍t-ê-lâng
孤孤單單
koo-koo-tuann-tuann
心事沉重
sim-sū tîm-tāng
痴心咧等啊等
tshi-sim teh tán–ah tán
對天光到暝暗
tuì thinn kng kàu mî-àm
期待你會當勇敢
kî-thāi lí ē-tàng ióng-kám
接受我的純情
tsiap-siū guá ê sûn-tsîng
喔~茫茫的人海之中
ooh~ bâng-bâng ê jîn-hái tsi-tiong
你是我的希望
lí sī guá ê hi-bāng
毋通再抱著往事
m̄-thang tsài phō tio̍h óng-sū
鎖著心窗
só tio̍h sim-thang
