老厝邊
《老厝邊》Lāu-tshù-pinn
台客電力公司Tâi-kheh Tiān-li̍k-kong-si
——————————————
↓—(口白/對話)—↓
欸!食飽未
eh! tsia̍h-pá–bē?
猶未呢
iáu-bē–neh
來阮遐食飯啊
lâi gún hia tsia̍h-pn̄g–ah!
免啦免啦按呢共你麻煩
bián–lah bián–lah án-ne kā lí mâ-huân
袂啦!咱做伙啊!
buē–lah! lán tsò-hué–ah!
毋是啦!我轉去食就好啦
m̄-sī–lah! guá tńg-khì tsia̍h tiō hó–lah
嗯,三八!咱家己的，你是咧…
ngh, sam-pat! lán ka-kī–ê, lí sī leh…
↑—(口白/對話)—↑
上好料
siōng hó-liāu
毋免看功夫
m̄-bián khuànn kang-hu
來阮遐就有
lâi gún hia tō ū
食飽閣唱歌
tsia̍h-pá koh tshiùnn-kua
兼跳舞喔
kiam thiàu-bú–ooh
免驚仔會毋捌啊
bián kiann-á ē m̄-bat–ah
以早的朋友
í-tsá ê pîng-iú
開講咱厝邊
khai-káng lán tshù-pinn
往過的故事啊
íng-kuè ê kòo-sū–ah
勇伯仔怹囝?讀書啊
Ióng-peh–á in kiánn gâu tha̍k-tsu–ah
事業嘛誠?舞
sū-gia̍p mā tsiânn gâu bú
牽予怹老爸仔
khan hōo in lāu-pē á
一隻Benz喔
tsi̍t-tsiah Bèn-juh–ooh
啊頂個月
ah tíng kò-ge̍h
閣起新厝
koh khí sin-tshù
閣佇路裡相拄
koh tī lōo–ní sio-tú
笑講當初
tshiò-kóng tong-tshoo
煞無人看伊有
suah bô-lâng khuànn i ū
↓—(口白/對話)—↓
勇伯仔!
Ióng peh–á!
誠久無看著呢
tsiânn kú bô khuànn–eh neh
乎啊!啊轉來矣喔
honnh-ah! ah tńg–lâi ah-ooh
喔!啊氣色遮好!誠好誠好
ooh! ah khì-sik tsiah hó! tsiânn hó tsiânn hó!
嘿啊嘿啊!啊你咧?你好無?
hennh-ah hennh-ah! ah lí–leh? lí hó–bô?
OK~袂䆀袂䆀，嘿啊
OK~ Buē-bái buē-bái, hennh–ah
好好!誠好誠好
hó-hó! tsiânn hó tsiânn hó
來阮兜食飯啊!做伙做伙乎!
Lâi gún tau tsia̍h-pn̄g–ah! tsò-hué tsò-hué–honnh!
↑—(口白/對話)—↑
鴨咪仔怹大姊
ah-bî-á in tuā-tsí
落尾啊嫁去洛山磯
lo̍h-bué–ah kè khì lo̍k-san-ki
聽講怹翁
thiann-kóng in ang
是趁了誠濟錢喔
sī thàn liáu tsiânn tsuē tsînn–ooh
等一个金孫
tán tsi̍t-ê kim-sun
等半年矣
tán puànn-nî–ah
見無一个面
kìnn bô tsi̍t-ê bīn
賰怹老母啊
tshun in lāu-bú–ah
佮伊咧厝裡
kah i teh tshù–ní
↓—(口白/對話)—↓
鴨咪仔!您母仔咧歇睏喔
ah-bî-á! lín bú–á teh hioh-khùn–ooh
你誰?
lí siáng?
噓，莫共吵莫共吵
si, mài kā tshá mài kā tshá
喔!你轉來矣喔
ooh! lí tńg–lâi ah-ooh
下暗?伊來阮兜食飯乎
e-àm tshuā i lâi gún tau tsia̍h-pn̄g–honnh
啊阮灶跤….
ah gún tsàu-kha….
嘿!免煮免煮!先按呢
hennh! bián tsú bián tsú! sing án-ne
↑—(口白/對話)—↑
唱咱的Melody
tshiùnn lán ê Melody
心涼脾土開
sim liâng pî-thóo khui
老朋友來鬥陣
lāu pîng-iú lâi tàu-tīn
是歡喜啊的代誌啊
sī huann-hí–ah ê tāi-tsì–ah
唱咱的Melody
tshiùnn lán ê Melody
心涼脾土開
sim liâng pî-thóo khui
煩惱共放予去啊
huân-ló kā pàng hōo khì–ah
腹內是全趣味
pak-lāi sī tsuân tshù-bī
予咱好過日喔
hōo lán hó kuè-ji̍t–ooh
—
離家多年啊的關心
lî-ka to-nî–ah ê kuan-sim
嘛袂走精
mā buē tsáu-tsing
天下間
thian-hā-kan
就是臺灣上惜情喔
tō-sī Tâi-uân siōng sioh-tsîng–ooh
街仔頭
ke-á-thâu
巷仔尾
hāng-á-bué
厝邊若親情遐爾親
tshù-pinn ná tshin-tsiânn hiah-nī tshin
定定喝欲辦一桌請你
tiānn-tiānn huah beh pān tsi̍t-toh tshiánn lí
唱咱的Melody
tshiùnn lán ê Melody
心涼脾土開
sim liâng pî-thóo khui
老朋友來鬥陣
lāu pîng-iú lâi tàu-tīn
是歡喜啊的代誌
sī huann-hí–ah ê tāi-tsì
唱咱的Melody
tshiùnn lán ê Melody
心涼脾土開
sim liâng pî-thóo khui
煩惱共放予去啊
huân-ló kā pàng hōo khì–ah
腹內是全趣味
pak-lāi sī tsuân tshù-bī
唱咱的Melody
tshiùnn lán ê Melody
心涼脾土開
sim liâng pî-thóo khui
老朋友來鬥陣
lāu pîng-iú lâi tàu-tīn
是歡喜啊的代誌啊
sī huann-hí–ah ê tāi-tsì–ah
唱咱的Melody
tshiùnn lán ê Melody
心涼脾土開
sim liâng pî-thóo khui
自今仔日開始
tsū kin-á-ji̍t khai-sí
世界的大門開
sè-kài ê tuā-mn̂g khui
予咱行出來去喔
hōo lán kiânn tshut-lâi-khì–ooh
