南投調
南投調
詞、曲：李坤城
───────────────────────
濁水溪長 玉山山懸
lô-tsuí-khe tn̂g, gio̍k-san san kuân
埔里氣候好 竹山人親和
poo-lí khì-hāu hó, tik-san lâng tshin-hô
合歡落雪 霧社雲媠
ha̍p-huan lo̍h-seh, bū-siā hûn suí
水里坐火車 廬山洗溫泉
tsuí-lí tsē-hué-tshia, lôo-san sé un-tsuânn
四面攏是山 氣勢真好看
sì-bīn lóng sī suann, khì-sè tsin hó-khuànn
美麗的河岸 溫暖佇心肝
bí-lē–ê hô-huānn, un-luán tī sim-kuann
好山好水南投人
hó suann hó tsuí lâm-tâu lâng
王梨金蕉少年夢
ông-lâi kim-tsio siàu-liân bāng
人講故鄉月娘上圓
lâng kóng kòo-hiong gue̍h-niû siōng înn
我講南投的天上媠
guá kóng lâm-tâu–ê thinn siōng suí
草屯做鞋 南投開山
tsháu-tùn tsò ê, lâm-tâu khui suann
鹿谷凍頂茶 啉著會退火
lo̍k-kok tòng-ting-tê, lim tio̍h ē thè-hué
集集金蕉 國姓枇杷
tsi̍p-tsi̍p kim-tsio, kok-sìng gî-pê
油桐花若開 跤步行同齊
iû-tâng-hue ná khui, kha-pōo kiânn tông tsê
四面攏是山 氣勢真好看
sì-bīn lóng sī suann, khì-sè tsin hó-khuànn
美麗的河岸 溫暖佇心肝
bí-lē–ê hô-huānn, un-luán tī sim-kuann
好山好水南投人
hó suann hó tsuí lâm-tâu lâng
王梨金蕉少年夢
ông-lâi kim-tsio siàu-liân bāng
人講故鄉月娘上圓
lâng kóng kòo-hiong gue̍h-niû siōng înn
我講南投的天上媠
guá kóng lâm-tâu–ê thinn siōng suí
地理中心 山明水秀
tē-lí tiong-sim, san-bîng-tsuí-siù
魚池日月潭 東埔八通關
hî-tî ji̍t-gua̍t-thâm, tang poo pat thong-kuan
中寮瀑布 九九奇峰
tiong-liâu po̍k-pòo, kiú-kiú kî hong
溪頭鳳凰鳥 名間青柏仔坑 (松柏嶺)
khe-thâu hōng-hông tsiáu, tshing-peh-á-khenn
四面攏是山 氣勢真好看
sì-bīn lóng sī suann, khì-sè tsin hó-khuànn
美麗的河岸 溫暖佇心肝
bí-lē–ê hô-huānn, un-luán tī sim-kuann
好山好水南投人
hó suann hó tsuí lâm-tâu lâng
王梨金蕉少年夢
ông-lâi kim-tsio siàu-liân bāng
人講故鄉月娘上圓
lâng kóng kòo-hiong gue̍h-niû siōng înn
我講南投的天…上媠
guá kóng lâm-tâu–ê thinn … siōng suí
